ਇੰਟੇਲ ਦੇ ਸਹਿ-ਸੰਸਥਾਪਕ ਗੋਰਡਨ ਮੂਰ ਦੀ 24 ਮਾਰਚ ਨੂੰ 94 ਸਾਲ ਦੀ ਉਮਰ ਵਿੱਚ ਹਵਾਈ ‘ਚ ਆਪਣੇ ਘਰ ਵਿੱਚ ਮੌਤ ਹੋ ਗਈ। ਦੱਸ ਦਈਏ ਕਿ ਉਨ੍ਹਾਂ ਨੇ ਸੈਮੀਕੰਡਕਟਰ ਚਿਪਸ ਦੇ ਡਿਜ਼ਾਈਨ ਅਤੇ ਨਿਰਮਾਣ ‘ਚ ਮਹੱਤਵਪੂਰਨ ਭੂਮਿਕਾ ਨਿਭਾਈ ਸੀ। ਗੋਰਡਨ ਅਰਲ ਮੂਰ ਦਾ ਜਨਮ 3 ਜਨਵਰੀ, 1929 ਨੂੰ ਸੈਨ ਫਰਾਂਸਿਸਕੋ ਵਿੱਚ ਹੋਇਆ ਸੀ। 1950 ਵਿੱਚ ਮੂਰ ਨੇ ਬੈਟੀ ਆਇਰੀਨ ਵਿਟੇਕਰ ਨਾਲ ਵਿਆਹ ਕਰਵਾ ਲਿਆ। ਮੂਰ ਦੇ ਦੋ ਪੁੱਤਰ ਕੈਨੇਥ ਅਤੇ ਸਟੀਵਨ ਅਤੇ ਚਾਰ ਪੋਤੇ-ਪੋਤੀਆਂ ਹਨ।
ਦੱਸ ਦਈਏ ਕਿ ਉਨ੍ਹਾਂ ਨੇ ਆਪਣੇ ਖੋਜ ਕੈਰੀਅਰ ਦੀ ਸ਼ੁਰੂਆਤ ਮੈਰੀਲੈਂਡ ਵਿੱਚ ਜੌਨਸ ਹੌਪਕਿਨਜ਼ ਅਪਲਾਈਡ ਫਿਜ਼ਿਕਸ ਲੈਬਾਰਟਰੀ ਵਿੱਚ ਕੀਤੀ। ਉਹ ਸ਼ੌਕਲੇ ਸੈਮੀਕੰਡਕਟਰ ਵਿਚ ਸ਼ਾਮਲ ਹੋਣ ਲਈ 1956 ਵਿਚ ਕੈਲੀਫੋਰਨੀਆ ਵਾਪਸ ਪਰਤ ਆਏ। ਮੂਰ ਅਤੇ ਨੋਇਸ ਨੇ ਇੰਟੇਲ ਦੀ ਸਹਿ-ਸਥਾਪਨਾ ਕੀਤੀ। ਸਾਲ 1990 ਅਤੇ 2002 ਵਿੱਚ ਰਾਸ਼ਟਰਪਤੀ ਜਾਰਜ ਡਬਲਯੂ ਬੁਸ਼ ਵੱਲੋਂ ਦੇਸ਼ ਦਾ ਸਰਵਉੱਚ ਨਾਗਰਿਕ ਸਨਮਾਨ ਅਤੇ ਰਾਸ਼ਟਰਪਤੀ ਮੈਡਲ ਆਫ਼ ਫ੍ਰੀਡਮ ਸਨਮਾਨ ਵੀ ਹਾਸਲ ਕੀਤਾ।