ਐਪਲ ਨੇ ਆਪਣੀ ਨਵੀਂ ਆਈਫੋਨ ਸੀਰੀਜ਼ 15 ਲਾਂਚ ਕਰ ਦਿੱਤੀ ਹੈ। ਇਸ ਸੀਰੀਜ਼ ਦੇ ਤਹਿਤ iPhone 15, iPhone 15 Plus, iPhone 15 Pro ਅਤੇ iPhone 15 Pro Plus ਨੂੰ ਪੇਸ਼ ਕੀਤਾ ਗਿਆ ਹੈ। ਆਈਫੋਨ 15 ਸੀਰੀਜ਼ ਨੂੰ ਟਾਈਪ-ਸੀ ਪੋਰਟ ਅਤੇ ਵਾਇਰਲੈੱਸ ਕਨੈਕਟੀਵਿਟੀ ਨਾਲ ਲਾਂਚ ਕੀਤਾ ਗਿਆ ਹੈ। ਚਾਰਜਿੰਗ ਦੇ ਲਿਹਾਜ਼ ਨਾਲ ਕੰਪਨੀ ਦਾ ਇਹ ਸਭ ਤੋਂ ਵੱਡਾ ਬਦਲਾਅ ਹੈ। ਆਓ ਜਾਣਦੇ ਹਾਂ iPhone 15 ਸੀਰੀਜ਼ ਦੀਆਂ 5 ਵੱਡੀਆਂ ਤਬਦੀਲੀਆਂ ਬਾਰੇ…
ਆਈਕਾਨਿਕ ਸਾਈਲੈਂਟ ਬਟਨ ਹਟਾਇਆ ਗਿਆ
ਆਈਕੋਨਿਕ ਸਾਈਲੈਂਟ ਬਟਨ ਨੂੰ ਆਈਫੋਨ 15 ਪ੍ਰੋ ਦੇ ਦੋਵਾਂ ਮਾਡਲਾਂ ਨਾਲ ਹਟਾ ਦਿੱਤਾ ਗਿਆ ਹੈ। ਇਸ ਦੀ ਥਾਂ ‘ਤੇ ਨਵਾਂ ਐਕਸ਼ਨ ਬਟਨ ਦਿੱਤਾ ਗਿਆ ਹੈ। ਨਵੇਂ ਐਕਸ਼ਨ ਬਟਨ ਦੀ ਮਦਦ ਨਾਲ ਫੋਨ ਨੂੰ ਸਾਈਲੈਂਸ ਕਰਨ ਤੋਂ ਇਲਾਵਾ ਫਲਾਈਟ ਮੋਡ ਵਰਗੇ ਕਈ ਹੋਰ ਕੰਮ ਕੀਤੇ ਜਾ ਸਕਦੇ ਹਨ।
ਨਵੇਂ ਆਈਫੋਨ ‘ਚ ਟਾਈਪ-ਸੀ ਪੋਰਟ-
ਨਵੇਂ ਆਈਫੋਨ ਦੇ ਨਾਲ ਟਾਈਪ-ਸੀ ਪੋਰਟ ਦਿੱਤਾ ਗਿਆ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਐਪਲ ਨੇ ਆਪਣੇ ਕਿਸੇ ਵੀ ਆਈਫੋਨ ਨੂੰ ਟਾਈਪ-ਸੀ ਪੋਰਟ ਨਾਲ ਪੇਸ਼ ਕੀਤਾ ਹੈ। ਪਹਿਲਾਂ ਕੰਪਨੀ ਚਾਰਜਿੰਗ ਲਈ ਲਾਈਟਨਿੰਗ ਪੋਰਟ ਦੀ ਵਰਤੋਂ ਕਰਦੀ ਸੀ। ਲੇਟੈਸਟ ਆਈਫੋਨ ਨਾਲ ਕੰਪਨੀ ਦਾ ਇਹ ਸਭ ਤੋਂ ਵੱਡਾ ਬਦਲਾਅ ਹੈ।
ਡਿਜ਼ਾਈਨ
ਕੰਪਨੀ ਨੇ iPhone 15 Pro ਵੇਰੀਐਂਟ ਦੇ ਨਾਲ ਟਾਈਟੇਨੀਅਮ ਡਿਜ਼ਾਈਨ ਦਿੱਤਾ ਹੈ। ਐਪਲ ਮੁਤਾਬਕ ਨਵੇਂ ਆਈਫੋਨ ਦੇ ਪ੍ਰੋ ਮਾਡਲ ‘ਚ ਵਰਤੇ ਗਏ ਟਾਈਟੇਨੀਅਮ ਗ੍ਰੇਡ ਦੀ ਹੀ ਵਰਤੋਂ ਨਾਸਾ ਦੇ ਮਾਰਸ ਰੋਵਰ ‘ਚ ਕੀਤੀ ਗਈ ਹੈ। ਆਈਫੋਨ 15 ਪ੍ਰੋ ਹੁਣ ਤੱਕ ਦਾ ਸਭ ਤੋਂ ਹਲਕਾ ਪ੍ਰੋ ਮਾਡਲ ਹੋਵੇਗਾ। ਆਈਫੋਨ 15 ਪ੍ਰੋ ਵਿੱਚ 6.1-ਇੰਚ ਦੀ ਡਿਸਪਲੇਅ ਹੈ ਅਤੇ ਆਈਫੋਨ 15 ਪ੍ਰੋ ਮੈਕਸ ਵਿੱਚ 6.7-ਇੰਚ ਦੀ ਡਿਸਪਲੇਅ ਹੈ।
ਕੈਮਰਾ
ਆਈਫੋਨ 15 ਸੀਰੀਜ਼ ਦੇ ਬੇਸ ਵੇਰੀਐਂਟ ਫੋਨ ਯਾਨੀ ਆਈਫੋਨ 15 ਅਤੇ ਆਈਫੋਨ 15 ਪਲੱਸ ਵੀ 48 ਮੈਗਾਪਿਕਸਲ ਸੈਂਸਰ ਨਾਲ ਲੈਸ ਹਨ। ਬੇਸ ਵੇਰੀਐਂਟ ਆਈਫੋਨ ਦੇ ਕੈਮਰਾ ਸੈਂਸਰ ‘ਚ ਕੰਪਨੀ ਦਾ ਇਹ ਸਭ ਤੋਂ ਵੱਡਾ ਬਦਲਾਅ ਹੈ। ਇਸ ਤੋਂ ਪਹਿਲਾਂ ਆਈਫੋਨ 14 ਅਤੇ ਆਈਫੋਨ 14 ਪਲੱਸ ਦੇ ਨਾਲ 12 ਮੈਗਾਪਿਕਸਲ ਕੈਮਰਾ ਸੈਂਸਰ ਉਪਲਬਧ ਸੀ।