ਪਲੇਅਸਟੇਸ਼ਨ ਇੰਡੀਆ ਨੇ ਇੱਕ ਨਵਾਂ ਗੇਮਿੰਗ ਡਿਵਾਈਸ ਪੇਸ਼ ਕੀਤਾ ਹੈ, ਜਿਸਦਾ ਨਾਮ ਪਲੇਅਸਟੇਸ਼ਨ ਪੋਰਟਲ ਹੈ। ਇਸ ਡਿਵਾਈਸ ਨਾਲ ਤੁਸੀਂ ਟੀਵੀ ਜਾਂ ਮਾਨੀਟਰ ਤੋਂ ਬਿਨਾਂ ਆਪਣੇ ਪਲੇਅਸਟੇਸ਼ਨ ਕੰਸੋਲ ‘ਤੇ ਸਥਾਪਿਤ ਗੇਮਾਂ ਖੇਡ ਸਕਦੇ ਹੋ। ਪਰ ਧਿਆਨ ਵਿੱਚ ਰੱਖੋ, ਇਹ ਸਿਰਫ ਕੁਝ ਖਾਸ ਗੇਮਾਂ ਨਾਲ ਕੰਮ ਕਰੇਗਾ ਅਤੇ ਇਸਦੇ ਲਈ ਤੁਹਾਡੇ ਕੋਲ ਪਲੇਅਸਟੇਸ਼ਨ 5 ਜਾਂ ਪਲੇਅਸਟੇਸ਼ਨ 4 ਕੰਸੋਲ ਹੋਣਾ ਚਾਹੀਦਾ ਹੈ।
ਜਾਣਕਰੀ ਅਨੁਸਾਰ ਇਸ ਪਲੇਅਸਟੇਸ਼ਨ ਪੋਰਟਲ ਦੀ ਕੀਮਤ 18,990 ਰੁਪਏ ਹੈ ਅਤੇ ਇਹ 3 ਅਗਸਤ ਤੋਂ ਸੋਨੀ ਸੈਂਟਰ, ਐਮਾਜ਼ਾਨ, ਫਲਿੱਪਕਾਰਟ, ਕਰੋਮਾ, ਰਿਲਾਇੰਸ, ਵਿਜੇ ਸੇਲਜ਼, ਬਲਿੰਕਆਈਟ ਅਤੇ ਹੋਰ ਸਟੋਰਾਂ ‘ਤੇ ਉਪਲਬਧ ਹੋਵੇਗਾ।
ਪਲੇਅਸਟੇਸ਼ਨ ਪੋਰਟਲ ਅਸਲ ਵਿੱਚ ਡਿਵਾਈਸ ਦੀ ਛੋਟੀ ਸਕ੍ਰੀਨ ‘ਤੇ ਤੁਹਾਡੀਆਂ ਗੇਮਾਂ (ਜੋ ਇਸਦੇ ਅਨੁਕੂਲ ਹਨ) ਚਲਾਏਗਾ। ਡਿਵਾਈਸ ਨਿਨਟੈਂਡੋ ਸਵਿੱਚ ਜਾਂ ਹੋਰ ਪੋਰਟੇਬਲ ਗੇਮਿੰਗ ਡਿਵਾਈਸਾਂ ਜਿਵੇਂ ਕਿ ROG ਐਲੀ ਜਾਂ MSI ਕਲੋ ਨੂੰ ਟੱਕਰ ਦੇਵੇਗਾ। ਪਲੇਅਸਟੇਸ਼ਨ ਪੋਰਟਲ ਪਿਛਲੇ ਸਾਲ ਤੋਂ ਅਮਰੀਕਾ ਵਿੱਚ ਉਪਲਬਧ ਸੀ, ਪਰ ਹੁਣ ਇਸਨੂੰ ਭਾਰਤ ਵਿੱਚ ਵੀ ਲਾਂਚ ਕੀਤਾ ਗਿਆ ਹੈ।
ਪਲੇਅਸਟੇਸ਼ਨ ਪੋਰਟਲ ਰਿਮੋਟ ਪਲੇਅਰ ਤੁਹਾਨੂੰ ਤੁਹਾਡੀਆਂ PS5 ਗੇਮਾਂ ਨੂੰ ਤੁਹਾਡੇ ਘਰ ਦੇ Wi-Fi ਉੱਤੇ ਹੈਂਡਹੈਲਡ ਖੇਡਣ ਦਿੰਦਾ ਹੈ, ਜਿਸ ਕਾਰਨ ਟੀਵੀ ਦੀ ਕੋਈ ਲੋੜ ਨਹੀਂ ਪੈਂਦੀ। ਰਿਮੋਟ ਪਲੇਅਰ ਵਿੱਚ 8 ਇੰਚ ਦੀ ਫੁੱਲ HD LCD ਸਕਰੀਨ ਹੈ। ਇਹ 1080p ਰੈਜ਼ੋਲਿਊਸ਼ਨ ‘ਤੇ 60 ਫਰੇਮ ਪ੍ਰਤੀ ਸਕਿੰਟ ਤੱਕ ਗੇਮਪਲੇ ਨੂੰ ਸਪੋਰਟ ਕਰਦਾ ਹੈ।