Realme ਨੇ ਆਪਣੇ ਫ਼ੋਨ Realme 11 Pro ਸੀਰੀਜ਼ ਲਈ ਇੱਕ ਨਵਾਂ ਅਪਡੇਟ ਜਾਰੀ ਕੀਤਾ ਹੈ ਜਿਸ ਵਿੱਚ ਐਨਹਾਂਸਡ ਇੰਟੈਲੀਜੈਂਟ ਸੇਵਾਵਾਂ ਨੂੰ ਬੰਦ ਕਰ ਦਿੱਤਾ ਗਿਆ ਹੈ। ਇਹ Realme UI 4.0 OS ਦੇ ਨਾਲ ਡਿਫਾਲਟ ਰੂਪ ਤੋਂ ਮਿਲ ਰਿਹਾ ਸੀ। Realme ਦੇ ਇਸ ਫ਼ੀਚਰ ਨੂੰ ਲੈ ਕੇ ਕਾਫੀ ਵਿਵਾਦ ਵੀ ਹੋਇਆ ਸੀ ਅਤੇ ਸਰਕਾਰ ਨੇ ਜਾਂਚ ਦੇ ਆਦੇਸ਼ ਵੀ ਦਿੱਤੇ ਸਨ।
ਹਾਲ ਹੀ ‘ਚ ਇਕ ਵਿਅਕਤੀ ਨੇ ਟਵੀਟ ‘ਤੇ ਇਕ ਵੀਡੀਓ ਸ਼ੇਅਰ ਕਰ ਦਾਅਵਾ ਕੀਤਾ ਕਿ Realme ਦੇ ਫੋਨ ‘ਤੇ ਇਕ ਸੈਟਿੰਗ ਡਿਫਾਲਟ ਰੂਪ ਤੋਂ ਆ ਰਹੀ ਹੈ। ਕੰਪਨੀ ਲੋਕਾਂ ਨੂੰ ਬਿਹਤਰ ਐਕਸਪੇਰੀਅਸ ਦੇਣ ਲਈ ਨਾਮ ਉਸਦੇ ਫੋਨ ਨੰਬਰ ਤੋਂ ਗੈਲਰੀ ਤੱਕ ਪਹੁੰਚ ਕਰ ਮੈਸੇਜ ਵੀ ਪੜ੍ਹਦੀ ਹੈ। ਇੱਥੇ ਤੱਕ ਕਿ Realme ਮੋਬਾਈਲਸ ਦਾ ਮਾਈਕ੍ਰੋ ਫੋਨ ਵੀ ਐਕਸੈਸ ਕਰ ਰਿਹਾ ਹੈ। ਜਿਸ ਤੋਂ ਬਾਅਦ ਸੂਚਨਾ ਤਕਨਾਲੋਜੀ ਅਤੇ ਇਲੈਕਟ੍ਰਾਨਿਕਸ ਰਾਜ ਮੰਤਰੀ ਰਾਜੀਵ ਚੰਦਰਸ਼ੇਖਰ ਨੇ ਟਵੀਟ ਦਾ ਜਵਾਬ ਦਿੰਦੇ ਹੋਏ, ਇਸ ਗੱਲ ਦੀ ਜਾਂਚ ਦਾ ਆਦੇਸ਼ ਦਿੱਤਾ ਕਿ ਕੀ Realme “ਐਨਹਾਂਸਡ ਇੰਟੈਲੀਜੈਂਟ ਸੇਵਾਵਾਂ” ਲਈ ਉਪਭੋਗਤਾਵਾਂ ਦੇ ਸਥਾਨ ਸਮੇਤ ਸੰਵੇਦਨਸ਼ੀਲ ਡੇਟਾ ਨੂੰ ਕੈਪਚਰ ਕਰਦਾ ਹੈ ਜਾਂ ਨਹੀਂ।
ਫਿਲਹਾਲ ਇਹ ਡਾਟਾ ਕਿਸ ਸਰਵਰ ‘ਤੇ ਸਟੋਰ ਕੀਤਾ ਗਿਆ ਹੈ, ਇਸ ਬਾਰੇ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। Realme 11 Pro ਅਤੇ Realme 11 Pro Plus ਉਪਭੋਗਤਾਵਾਂ ਨੂੰ RMX3771_13.1.0.524 (EX01) ਅਤੇ RMX3741_13.1.0.524 (EX01) ਫਰਮਵੇਅਰ ਅਪਡੇਟ ਮਿਲਣ ਲੱਗਾ ਹੈ। ਇਸ ਅਪਡੇਟ ਤੋਂ ਬਾਅਦ ਇਨਹਾਂਸਡ ਇੰਟੈਲੀਜੈਂਟ ਸਰਵਿਸਿਜ਼ ਫੀਚਰ ਨੂੰ ਬੰਦ ਕਰ ਦਿੱਤਾ ਜਾਵੇਗਾ।