ਚੀਨੀ ਤਕਨੀਕੀ ਕੰਪਨੀ ਵੀਵੋ ਅਗਲੇ ਮਹੀਨੇ ਇੱਕ ਹੋਰ ਨਵਾਂ ਸਮਾਰਟਫੋਨ ਲਾਂਚ ਕਰਨ ਜਾ ਰਹੀ ਹੈ। ਕੰਪਨੀ Vivo V29 ਦਾ ਅਗਲਾ ਵਰਜਨ ‘Vivo V30e’ 2 ਮਈ ਨੂੰ ਲਾਂਚ ਕਰੇਗੀ। ਸਮਾਰਟਫੋਨ ‘ਚ 5500mAh ਦੀ ਬੈਟਰੀ ਅਤੇ 50 ਮੈਗਾਪਿਕਸਲ ਦਾ ਸੈਲਫੀ ਕੈਮਰਾ ਹੋਵੇਗਾ। ਇਸ ਤੋਂ ਇਲਾਵਾ ਕੰਪਨੀ ਇਸ ਫੋਨ ‘ਚ 6.78 ਇੰਚ ਦੀ ਫੁੱਲ HD+ AMOLED ਡਿਸਪਲੇ, 50MP ਮੁੱਖ ਕੈਮਰਾ ਅਤੇ Qualcomm Snapdragon 6 Gen1 ਚਿਪਸੈੱਟ ਦੇ ਸਕਦੀ ਹੈ। ਕੰਪਨੀ ਇਸ ਸਮਾਰਟਫੋਨ ਨੂੰ ਦੋ ਰੰਗਾਂ ਅਤੇ ਦੋ ਸਟੋਰੇਜ ਆਪਸ਼ਨ ‘ਚ ਲਾਂਚ ਕਰ ਸਕਦੀ ਹੈ।
Vivo V30e ਦੀ ਸ਼ੁਰੂਆਤੀ ਕੀਮਤ 25,000 ਰੁਪਏ ਹੋ ਸਕਦੀ ਹੈ। ਕੰਪਨੀ ਨੇ ਆਪਣੀ ਅਧਿਕਾਰਤ ਵੈੱਬਸਾਈਟ ਅਤੇ X ਹੈਂਡਲ ‘ਤੇ ਲਾਂਚਿੰਗ ਡੇਟ ਦੀ ਜਾਣਕਾਰੀ ਦਿੱਤੀ ਹੈ। ਲਾਂਚਿੰਗ ਡੇਟ ਤੋਂ ਇਲਾਵਾ ਕੰਪਨੀ ਨੇ ਸਿਰਫ ਕੁਝ ਸੀਮਤ ਜਾਣਕਾਰੀ ਦਿੱਤੀ ਹੈ।
ਕੰਪਨੀ ਨੇ ਪੁਸ਼ਟੀ ਕੀਤੀ ਹੈ ਕਿ Vivo V30e ਸਮਾਰਟਫੋਨ ‘ਚ 5500mAh ਦੀ ਬੈਟਰੀ ਹੋਵੇਗੀ। ਇਸ ਨੂੰ ਚਾਰਜ ਕਰਨ ਲਈ ਕੰਪਨੀ 45W ਫਾਸਟ ਚਾਰਜਿੰਗ ਸਪੋਰਟ ਦੇ ਸਕਦੀ ਹੈ।ਵੀਵੋ ਇਸ ਸਮਾਰਟਫੋਨ ‘ਚ ਦੋ ਰੈਮ ਅਤੇ ਸਟੋਰੇਜ ਦਾ ਆਪਸ਼ਨ ਦੇ ਸਕਦਾ ਹੈ। ਇਸ ਵਿੱਚ 8GB ਰੈਮ ਦੇ ਨਾਲ 128GB ਇੰਟਰਨਲ ਸਟੋਰੇਜ ਅਤੇ 12GB ਦੇ ਨਾਲ 256GB ਸਟੋਰੇਜ ਦਾ ਵਿਕਲਪ ਹੋ ਸਕਦਾ ਹੈ।