ਵਟਸਐਪ ਨੇ ਲੰਬੇ ਸਮੇਂ ਦੇ ਟੈਸਟਿੰਗ ਤੋਂ ਬਾਅਦ ਅਧਿਕਾਰਤ ਤੌਰ ‘ਤੇ ਕਮਿਊਨਿਟੀ ਫੀਚਰ ਦਾ ਐਲਾਨ ਕੀਤਾ ਹੈ। ਵਟਸਐਪ ਦੀ ਕਮਿਊਨਿਟੀ ਫੀਚਰ ਇਸ ਦੇ ਗਰੁੱਪ ਫੀਚਰ ਦਾ ਐਕਸਟੈਂਸ਼ਨ ਹੈ। ਹਾਲਾਂਕਿ ਅਜੇ ਇਹ ਸਪੱਸ਼ਟ ਨਹੀਂ ਹੈ ਕਿ ਇਹ ਫੀਚਰ ਉਪਭੋਗਤਾਵਾਂ ਲਈ ਕਦੋਂ ਜਾਰੀ ਕੀਤਾ ਜਾਵੇਗਾ। ਕਮਿਊਨਿਟੀ ਫੀਚਰ ਦੇ ਆਉਣ ਨਾਲ, ਇਹਨਾਂ ਗਰੁਪਾਂ ਨੂੰ ਇਕੱਠੇ ਪ੍ਰਬੰਧਨ (Manage) ਕਰਨਾ ਆਸਾਨ ਹੋ ਜਾਵੇਗਾ। ਕਮਿਊਨਿਟੀ ਫੀਚਰ ਇੱਕ ਤਰ੍ਹਾਂ ਨਾਲ ਬ੍ਰੋਡਕਾਸਟ ਵਰਗਾ ਹੀ ਹੋਵੇਗਾ। ਆਓ ਜਾਣਦੇ ਹਾਂ WhatsApp ਦੇ ਕਮਿਊਨਿਟੀ ਫੀਚਰ ਦੇ ਫਾਇਦਿਆਂ ਬਾਰੇ:
ਕਮਿਊਨਿਟੀ ਫੀਚਰ ਦਾ ਸਭ ਤੋਂ ਵੱਡਾ ਫਾਇਦਾ ਇਹ ਹੈ ਕਿ ਤੁਸੀਂ 10 ਸਮੂਹਾਂ (ਗਰੁੱਪ) ਨੂੰ ਜੋੜ ਕੇ ਇੱਕ ਕਮਿਊਨਿਟੀ ਬਣਾਉਣ ਦੇ ਯੋਗ ਹੋਵੋਗੇ ਅਤੇ ਇਸ ਤੋਂ ਬਾਅਦ ਇੱਕ ਕਮਿਊਨਿਟੀ ਰਾਹੀਂ ਤੁਸੀਂ ਇੱਕ ਵਾਰ ਵਿੱਚ ਸਾਰੇ (10) ਗਰੁੱਪਾਂ ਨੂੰ ਇੱਕ ਸੰਦੇਸ਼ ਭੇਜ ਸਕੋਗੇ।
ਇਸ ਦਾ ਸਭ ਤੋਂ ਵੱਡਾ ਫਾਇਦਾ ਇਹ ਵੀ ਹੈ ਕਿ ਕਮਿਊਨਿਟੀ ਨਾਲ ਜੁੜੇ ਮੈਂਬਰ ਕਮਿਊਨਿਟੀ ਦੇ ਗਰੁੱਪ ਮੈਂਬਰ ਦਾ ਫ਼ੋਨ ਨੰਬਰ ਨਹੀਂ ਦੇਖ ਸਕਣਗੇ, ਹਾਲਾਂਕਿ ਇਹ ਅਧਿਕਾਰ ਪ੍ਰਬੰਧਕ (ਗਰੁੱਪ ਐਡਮਿਨ) ਕੋਲ ਹੋਵੇਗਾ। ਗਰੁੱਪ ਐਡਮਿਨ ਦਾ ਕਮਿਊਨਿਟੀ ‘ਤੇ ਪੂਰਾ ਕੰਟਰੋਲ ਹੋਵੇਗਾ।
ਵਟਸਐਪ ਗਰੁੱਪ ਦੀ ਤਰ੍ਹਾਂ, ਕਮਿਊਨਿਟੀ ਵਿੱਚ ਵੀ ਇੱਕ ਐਡਮਿਨ ਹੋਵੇਗਾ ਜੋ ਇਹ ਫੈਸਲਾ ਕਰੇਗਾ ਕਿ ਕੌਣ ਕਿਸ ਗਰੁੱਪ ਵਿੱਚ ਮੈਸੇਜ ਕਰੇਗਾ ਅਤੇ ਕੌਣ ਨਹੀਂ। ਇਸ ਤੋਂ ਇਲਾਵਾ ਜੇਕਰ ਕੋਈ ਮੈਂਬਰ ਛੱਡਦਾ ਹੈ, ਤਾਂ ਉਹ ਉਸ ਨਾਲ ਜੁੜੇ ਹੋਰ ਸਮੂਹਾਂ ਨੂੰ ਨਹੀਂ ਦੇਖ ਸਕੇਗਾ।
