ਚੀਨ ਨੇ ਪੈਰਿਸ ਓਲੰਪਿਕ-2024 ਦਾ ਪਹਿਲਾ ਸੋਨ ਤਮਗਾ ਜਿੱਤਿਆ ਹੈ। ਚੀਨੀ ਟੀਮ 10 ਮੀਟਰ ਰਾਈਫਲ ਮਿਕਸਡ ਸ਼ੂਟਿੰਗ ਈਵੈਂਟ ਵਿੱਚ ਚੈਂਪੀਅਨ ਬਣੀ। ਕੋਰੀਆ ਗਣਰਾਜ ਦੂਜੇ ਅਤੇ ਕਜ਼ਾਕਿਸਤਾਨ ਤੀਜੇ ਸਥਾਨ ‘ਤੇ ਰਿਹਾ।
ਕਜ਼ਾਕਿਸਤਾਨ ਨੇ ਪੈਰਿਸ ਓਲੰਪਿਕ 2024 ਦਾ ਪਹਿਲਾ ਤਮਗਾ ਜਿੱਤਿਆ ਹੈ। 10 ਮੀਟਰ ਏਅਰ ਰਾਈਫਲ ਮਿਕਸਡ ਟੀਮ ਈਵੈਂਟ ਵਿੱਚ, ਕਜ਼ਾਕਿਸਤਾਨ ਨੇ ਜਰਮਨੀ ਨੂੰ 17-5 ਨਾਲ ਹਰਾ ਕੇ ਕਾਂਸੀ ਦਾ ਤਗਮਾ ਜਿੱਤਿਆ।
ਪੁਰਸ਼ਾਂ ਦੇ 10 ਮੀਟਰ ਏਅਰ ਪਿਸਟਲ ਮੁਕਾਬਲੇ ਵਿੱਚ ਭਾਰਤੀ ਨਿਸ਼ਾਨੇਬਾਜ਼ ਸਰਬਜੋਤ ਸਿੰਘ ਅਤੇ ਅਰਜੁਨ ਸਿੰਘ ਚੀਮਾ ਫਾਈਨਲ ਲਈ ਕੁਆਲੀਫਾਈ ਨਹੀਂ ਕਰ ਸਕੇ। ਸਰਬਜੋਤ ਨੌਵੇਂ ਅਤੇ ਅਰਜੁਨ 18ਵੇਂ ਸਥਾਨ ’ਤੇ ਰਹੇ। 6 ਸੈੱਟਾਂ ਦੇ ਕੁਆਲੀਫਾਇੰਗ ਮੁਕਾਬਲੇ ਵਿੱਚ ਸਰਬਜੀਤ 577 ਅੰਕਾਂ ਨਾਲ 9ਵੇਂ ਸਥਾਨ ’ਤੇ ਰਹੇ। ਉਹ ਥੋੜੇ ਫਰਕ ਨਾਲ ਫਾਈਨਲ ਲਈ ਕੁਆਲੀਫਾਈ ਕਰਨ ਤੋਂ ਖੁੰਝ ਗਏ। ਅਰਜਨ ਸਿੰਘ ਚੀਮਾ 574 ਅੰਕ ਲੈ ਕੇ 18ਵੇਂ ਸਥਾਨ ‘ਤੇ ਰਹੇ। ਦੱਸ ਦੇਈਏ ਕਿ ਇਸ ਈਵੈਂਟ ਦੇ ਟਾਪ 8 ਨਿਸ਼ਾਨੇਬਾਜ਼ ਫਾਈਨਲ ‘ਚ ਪਹੁੰਚੇ ਸਨ।