ਚੰਡੀਗੜ੍ਹ, 14 ਮਈ 2023 – ਪੰਜਾਬ ਕਿੰਗਸ ਨੇ ਸ਼ਨੀਵਾਰ ਰਾਤ ਨੂੰ ਦਿੱਲੀ ਦੇ ਅਰੁਣ ਜੇਟਲੀ ਸਟੇਡੀਅਮ ’ਚ ਖੇਡੇ ਗਏ ਟਾਟਾ ਆਈਪੀਐਲ 2023 ਦੇ ਮੈਚ ਨੰਬਰ 59 ’ਚ ਦਿੱਲੀ ਕੈਪੀਟਲਸ ਨੂੰ 31 ਰਨਾਂ ਨਾਲ ਹਰਾ ਕੇ ਪਲੇਆਫ ਦੀਆਂ ਆਪਣੀਆਂ ਆਸਾਂ ਨੂੰ ਜਿੰਦਾ ਰੱਖਿਆ। ਦੂਜੇ ਪਾਸੇ ਡੀਸੀ ਦੀ ਇਸ ਹਾਰ ਦਾ ਮਤਲਬ ਸੀ ਕਿ ਉਹ ਹੁਣ ਪਲੇਆਫ ਹਫਤੇ ’ਚ ਅੱਗੇ ਨਹੀਂ ਵਧ ਸਕੇਗੀ।
ਪ੍ਰਭਸਿਮਰਨ ਸਿੰਘ (103 ਰਨ, 65 ਬਾਲਾਂ, 10X4, 6X6) ਦੇ ਸ਼ਾਨਦਾਰ ਸੈਂਕੜੇ ਦੇ ਦਮ ’ਤੇ ਕਿੰਗਸ ਨੇ ਜਿੱਤ ਦੇ ਲਈ 168 ਰਨਾਂ ਦਾ ਮੁਸ਼ਕਿਲ ਟਾਰਗੇਟ ਨਿਰਧਾਰਿਤ ਕੀਤਾ। ਜਵਾਬ ’ਚ ਡੀਸੀ ਆਪਣੇ 20 ਓਵਰਾਂ ’ਚ ਅੱਠ ਵਿਕਟਾਂ ’ਤੇ 136 ਰਨ ਹੀ ਬਣਾ ਸਕੀ। ਮੇਜਬਾਨ ਦੀ ਪਾਰੀ ਨੂੰ ਤਹਿਸ ਨਹਿਸ ਕਰਨ ਵਾਲੇ ਸਭ ਤੋਂ ਪ੍ਰਮੁੱਖ ਸਪਿਨਰ ਹਰਪ੍ਰੀਤ ਬਰਾੜ ਸਨ, ਜਿਨ੍ਹਾਂ ਨੇ ਚਾਰ ਓਵਰਾਂ ’ਚ 30 ਰਨਾਂ ’ਤੇ 4 ਵਿਕਟਾਂ ਹਾਸਲ ਕੀਤੀਆਂ, ਜਦੋਂ ਕਿ ਦੂਜੇ ਸਪਿਨਰ ਰਾਹੁਲ ਚਾਹਰ ਨੇ ਆਪਣੇ ਚਾਰ ਓਵਰਾਂ ’ਚ 16 ਰਨ ਦੇ ਕੇ 2 ਵਿਕਟਾਂ ਹਾਸਲ ਕੀਤੀਆਂ। ਇਨ੍ਹਾਂ ਦੋਵਾਂ ਸਪਿਨਰਾਂ ਨੇ ਮੁਕਾਬਲੇ ਨੂੰ ਉਸ ਸਮੇਂ ਪੀਬੀਕੇਐਸ ਦੇ ਪਾਸੇ ਮੋੜਿਆ, ਜਦੋਂ ਮੇਜਬਾਨ ਟੀਮ ਟਾਰਗੇਟ ਦੇ ਵੱਲ ਵਧਦੀ ਹੋਈ ਲੱਗ ਰਹੀ ਸੀ।
ਸਲਾਮੀ ਬੱਲੇਬਾਜ ਡੇਵਿਡ ਵਾਰਨਰ (54 ਰਨ, 27 ਬਾਲਾਂ, 10X4, 1X6) ਅਤੇ ਫਿਲ ਸਾਲਟ (21 ਰਨ, 17 ਬਾਲਾਂ, 3X4) ਨੇ ਡੀਸੀ ਨੂੰ ਸੱਤਵੇਂ ਓਵਰ ’ਚ 69 ਰਨ ਤੱਕ ਪਹੁੰਚਾ ਦਿੱਤਾ ਸੀ ਪਰ ਇਸ ਸਕੋਰ ’ਤੇ ਇਸ ਸਾਂਝੇਦਾਰੀ ਦੇ ਟੁੱਟਦੇ ਹੀ ਕੈਪੀਟਲਸ ਦੇ ਲਈ ਦਿੱਲੀ ਦੂਰ ਹੋ ਗਈ। ਇਸ ਜਿੱਤ ਦੇ ਬਾਅਦ ਪੰਜਾਬ ਕਿੰਗਸ 12 ਮੈਚਾਂ ’ਚ 12 ਅੰਕ ਲੈ ਕੇ ਛੇਵੇਂ ਨੰਬਰ ਤੇ ਹੈ। ਉੱਥੇ ਹੀ ਡੀਸੀ 12 ਮੈਚਾਂ ’ਚ 8 ਅੰਕਾਂ ਦੇ ਨਾਲ ਲੜੀ ’ਚ ਸਭ ਤੋਂ ਹੇਠਲੇ ਦਸਵੇਂ ਸਥਾਨ ’ਤੇ ਹੈ।
ਜਿਓਸਿਨੇਮਾ ਟਾਟਾ ਆਈਪੀਐਲ ਮਾਹਿਰ ਬ੍ਰੇਟ ਲੀ ਨੇ ਕਿਹਾ, ‘ਉਨ੍ਹਾਂ ਨੇ ਖੂਬਸੂਰਤ ਬੈਟਿੰਗ ਕੀਤੀ। ਕੀ ਉਹ ਨਹੀਂ ਸੀ? ਅਸਲ ’ਚ ਉਨ੍ਹਾਂ ਨੇ ਅੱਜ ਰਾਤੀ ਛੇ ਛੱਕੇ ਮਾਰੇ। ਉਨ੍ਹਾਂ ਨੇ ਬਾਲਰਾਂ ਦੀ ਧੁਲਾਈ ਕੀਤੀ ਅਤੇ ਸਪਿਨਰਾਂ ਦੇ ਖਿਲਾਫ ਬਹੁਤ ਵਧੀਆ ਤਰੀਕੇ ਨਾਲ ਸਵੀਪ ਮਾਰੇ ਅਤੇ ਉਨ੍ਹਾਂ ਨੂੰ ਕਈ ਮੌਕਿਆਂ ’ਤੇ ਕ੍ਰੀਜ ’ਤੇ ਕਦਮਾਂ ਦੀ ਵਰਤੋਂ ਕਰਨ ਦਾ ਮੌਕਾ ਮਿਲਿਆ। ਇਸ ਲਈ ਮੇਰੇ ਲਈ ਇਸ ਵਿਕਟ ’ਤੇ ਖੇਡਣ ਦਾ ਇਹੀ ਸਭ ਤੋਂ ਵਧੀਆ ਤਰੀਕਾ ਹੈ। ਉਨ੍ਹਾਂ ਨੂੰ 40 ਅਤੇ 50 ਰਨਾਂ ਤੋਂ ਅੱਗੇ ਵਧ ਕੇ 100 ਦੇ ਜਾਦੂਈ ਆਂਕੜੇ ਤੱਕ ਜਾਂਦੇ ਹੋਏ ਦੇਖ ਕੇ ਵਧੀਆ ਲੱਗਿਆ, ਇਸ ਲਈ ਉਨ੍ਹਾਂ ਨੂੰ ਅਤੇ ਪੰਜਾਬ ਕਿੰਗਸ ਨੂੰ ਵੀ ਵਧਾਈ।’
ਪਟੇਲ ਨੇ ਬਰਾੜ ਦੇ ਅਨੁਸ਼ਾਸਿਤ ਪ੍ਰਦਰਸ਼ਨ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ, ‘ਜਿਸ ਤਰ੍ਹਾਂ ਨਾਲ ਉਨ੍ਹਾਂ ਨੇ ਸ਼ੁਰੂਆਤ ਕੀਤੀ ਸੀ ਉਹ ਬਹੁਤੀ ਵਧੀਆ ਨਹੀਂ ਸੀ, ਪਰ ਜੇਕਰ ਤੁਸੀਂ ਉਸਦੇ ਬਾਅਦ ਸਾਰੀਆਂ ਬਾਲਾਂ ਨੂੰ ਦੇਖੋ, ਉਹ ਸਟੰਪਸ ’ਤੇ ਹਿੱਟ ਕਰ ਰਹੇ ਸਨ। ਮਨੀਸ਼ ਪਾਂਡੇ ਬੋਲਡ ਹੋ ਗਏ, ਡੇਵਿਡ ਵਾਰਨਰ ਐਲਬੀਡਬਲਿਊ ਹੋ ਗਏ। ਮੈਨੂੰ ਲੱਗਦਾ ਹੈ ਕਿ ਇਸ ਵਿਕਟ ’ਚ ਇਹ ਸਭ ਤੋਂ ਮਹੱਤਵਪੂਰਣ ਪਹਿਲੂ ਹੈ, ਜਦੋਂ ਬਾਲ ਹੇਠਾਂ ਰਹਿ ਰਹੀ ਹੋਵੇ ਅਤੇ ਟਰਨ ਵੀ ਥੋੜਾ ਜਿਹਾ ਕਰ ਰਹੀ ਹੋਵੇ, ਤਾਂ ਜੇਕਰ ਤੁਸੀਂ ਸਟੰਪਸ ’ਤੇ ਬਾÇਲੰਗ ਕਰਦੇ ਹੋ ਤਾਂ ਤੁਹਾਡੇ ਕੋਲ ਵਿਕਟ ਲੈਣ ਦੀ ਜਿਆਦਾ ਸੰਭਵਾਨਾ ਹੁੰਦੀ ਹੈ ਅਤੇ ਜੇਕਰ ਇਹ ਥੋੜਾ ਵੀ ਟਰਨ ਹੁੰਦੀ ਹੈ, ਤਾਂ ਐਲਬੀਡਬਲਿਊ ਹੋਣ ਦੀ ਸੰਭਾਵਨਾ ਹੁੰਦੀ ਹੈ।’
ਐਤਵਾਰ ਨੂੰ ਦੁਪਿਹਰ 3:30 ਵਜੇ ਰਾਜਸਥਾਨ ਰਾਇਲਸ ਦਾ ਸਾਹਮਣਾ ਰਾਇਲ ਚੈਲੇਂਜਰਸ ਬੰਗਲੌਰ ਦੇ ਨਾਲ ਹੋਵੇਗਾ ਅਤੇ ਸ਼ਾਮੀ 7:30 ਵਜੇ ਚੇਨੰਈ ਸੂਪਰ ਕਿੰਗਸ ਦੀ ਭਿੜਤ ਕਲਕੱਤਾ ਨਾਈਟ ਰਾਈਡਰਸ ਦੇ ਨਾਲ ਹੋਵੇਗੀ।
