ਭਾਰਤੀ ਕ੍ਰਿਕਟ ਟੀਮ ਵਨਡੇ ਸੀਰੀਜ਼ ਲਈ ਜ਼ਿੰਬਾਬਵੇ ਪਹੁੰਚ ਗਈ ਹੈ। ਦੱਸ ਦੇਈਏ ਕਿ 18 ਅਗਸਤ ਤੋਂ ਭਾਰਤ ਅਤੇ ਜ਼ਿੰਬਾਬਵੇ ਵਿਚਾਲੇ ਤਿੰਨ ਵਨਡੇ ਮੈਚ ਖੇਡੇ ਜਾਣਗੇ। ਬੀਸੀਸੀਆਈ ਨੇ ਟੀਮ ਦੀਆਂ ਕੁਝ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ, ਜਿਸ ਵਿੱਚ ਉਪ-ਕਪਤਾਨ ਸ਼ਿਖਰ ਧਵਨ, ਦੀਪਕ ਚਾਹਰ, ਪ੍ਰਸਿਧ ਕ੍ਰਿਸ਼ਨ ਸਮੇਤ ਕਈ ਖਿਡਾਰੀ ਜਹਾਜ਼ ਵਿੱਚ ਬੈਠੇ ਨਜ਼ਰ ਆ ਰਹੇ ਹਨ।
ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ ਦੇ ਅਧਿਕਾਰੀਆਂ ਮੁਤਾਬਕ ਜ਼ਿੰਬਾਬਵੇ ਪਹੁੰਚੀ ਟੀਮ ਇੰਡੀਆ ਐਤਵਾਰ ਤੋਂ ਵੀਵੀਐਸ ਲਕਸ਼ਮਣ ਦੇ ਮਾਰਗਦਰਸ਼ਨ ‘ਚ ਅਭਿਆਸ ਕਰੇਗੀ। ਭਾਰਤੀ ਟੀਮ ਜ਼ਿੰਬਾਬਵੇ ‘ਚ 18, 20 ਅਤੇ 22 ਅਗਸਤ ਨੂੰ ਤਿੰਨ ਵਨਡੇ ਖੇਡੇਗੀ। ਇਸ ਸੀਰੀਜ਼ ਲਈ ਟੀਮ ਦੀ ਕਪਤਾਨੀ ਕੇਐਲ ਰਾਹੁਲ ਨੂੰ ਸੌਂਪੀ ਗਈ ਹੈ। ਰਾਹੁਲ ਨੂੰ ਪਹਿਲਾਂ ਨਹੀਂ ਚੁਣਿਆ ਗਿਆ ਸੀ। ਉਹ ਫਿੱਟ ਹੋ ਕੇ ਵਾਪਸ ਪਰਤਿਆ ਹੈ। ਧਵਨ ਨੂੰ ਪਹਿਲਾ ਕਪਤਾਨ ਬਣਾਇਆ ਗਿਆ ਸੀ। ਹੁਣ ਉਹ ਉਪ-ਕਪਤਾਨ ਹੋਣਗੇ ਇਸ ਦੇ ਨਾਲ ਹੀ ਵੀਵੀਐਸ ਲਕਸ਼ਮਣ ਟੀਮ ਦੇ ਨਾਲ ਬਤੌਰ ਕੋਚ ਗਏ ਹਨ।
