IPL 2022 ਦਾ 8ਵਾਂ ਮੈਚ ਅੱਜ ਪੰਜਾਬ ਕਿੰਗਜ਼ ਅਤੇ ਕੋਲਕਾਤਾ ਨਾਈਟ ਰਾਈਡਰਜ਼ ਵਿਚਾਲੇ ਸ਼ਾਮ 7:30 ਵਜੇ ਤੋਂ ਖੇਡਿਆ ਜਾਵੇਗਾ। ਆਈ ਪੀ ਐਲ ਦੇ 15ਵੇਂ ਸੀਜ਼ਨ ਵਿਚ ਇਹ ਪੰਜਾਬ ਦਾ ਦੂਜਾ ਮੈਚ ਹੋਵੇਗਾ। ਉਸ ਨੇ ਆਪਣੇ ਪਹਿਲੇ ਮੈਚ ਵਿੱਚ ਰਾਇਲ ਚੈਲੰਜਰਜ਼ ਬੰਗਲੌਰ ਨੂੰ ਹਰਾਇਆ ਸੀ। ਪਹਿਲੇ ਮੈਚ ਵਿੱਚ RCB ਤੋਂ ਮਿਲਿਆ 206 ਦੌੜਾਂ ਦਾ ਵੱਡਾ ਟੀਚਾ PBKS ਨੇ ਧਮਾਕੇਦਾਰ ਬੱਲੇਬਾਜ਼ਾਂ ਨਾਲ 19 ਓਵਰਾਂ ਵਿੱਚ ਹਾਸਲ ਕਰ ਲਿਆ ਸੀ। ਇਸ ਦੇ ਨਾਲ ਹੀ ਕੋਲਕਾਤਾ ਨੇ ਪਹਿਲੇ ਮੈਚ ਵਿੱਚ ਚੇਨਈ ਨੂੰ ਹਰਾਇਆ ਅਤੇ ਦੂਜੇ ਮੈਚ ਵਿੱਚ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਤੋਂ ਹਾਰ ਗਈ।
ਦੱਸ ਦਈਏ ਕਿ ਆਈਪੀਐਲ ਵਿੱਚ ਹੁਣ ਤੱਕ ਕੇਕੇਆਰ ਅਤੇ ਪੀਬੀਕੇਐਸ ਦੀਆਂ ਟੀਮਾਂ 29 ਵਾਰ ਆਹਮੋ-ਸਾਹਮਣੇ ਹੋ ਚੁੱਕੀਆਂ ਹਨ। ਇਨ੍ਹਾਂ ਵਿੱਚ ਕੋਲਕਾਤਾ ਨੇ 19 ਵਾਰ ਜਿੱਤ ਦਰਜ ਕੀਤੀ ਹੈ, ਜਦਕਿ ਪੰਜਾਬ ਨੇ 10 ਵਾਰ ਜਿੱਤ ਦਰਜ ਕੀਤੀ ਹੈ। KKR ਨੇ 2018 ਵਿੱਚ PBKS ਦੇ ਖਿਲਾਫ ਇੱਕ ਪਾਰੀ ਵਿੱਚ ਸਭ ਤੋਂ ਵੱਧ 245 ਦੌੜਾਂ ਬਣਾਈਆਂ ਸਨ, ਜਦਕਿ 109 ਉਸਦਾ ਸਭ ਤੋਂ ਘੱਟ ਸਕੋਰ ਸੀ। ਇਸ ਦੇ ਨਾਲ ਹੀ ਪੰਜਾਬ ਨੇ ਕੋਲਕਾਤਾ ਖਿਲਾਫ ਇਕ ਪਾਰੀ ‘ਚ ਸਭ ਤੋਂ ਵੱਧ 214 ਦੌੜਾਂ ਬਣਾਈਆਂ ਸਨ ਅਤੇ 119
ਸਭ ਤੋਂ ਘੱਟ ਦੌੜਾਂ ਬਣਾਈਆਂ। ਪਿਛਲੇ ਸੀਜ਼ਨ ਵਿੱਚ ਦੋਵਾਂ ਟੀਮਾਂ ਵਿਚਾਲੇ ਦੋ ਮੈਚ ਖੇਡੇ ਗਏ ਸਨ। ਦੋਵਾਂ ਟੀਮਾਂ ਨੇ ਇਕ-ਇਕ ਮੈਚ ਜਿੱਤਿਆ ਸੀ। ਮੈਚ ਦਾ ਨਤੀਜਾ ਕਾਫੀ ਹੱਦ ਤੱਕ ਇਸ ਗੱਲ ‘ਤੇ ਨਿਰਭਰ ਕਰੇਗਾ ਕਿ ਪੰਜਾਬ ਦੀ ਟੀਮ ਬੰਗਲੌਰ ਦੇ ਸੁਨੀਲ ਨਾਰਾਇਣ ਖਿਲਾਫ ਕਿਹੜੀ ਰਣਨੀਤੀ ਅਪਣਾਉਂਦੀ ਹੈ।