ਅਵਨੀ ਪੈਰਿਸ ਪੈਰਾਲੰਪਿਕ ਦੇ ਛੇਵੇਂ ਦਿਨ ਔਰਤਾਂ ਦੀ 50 ਮੀਟਰ ਰਾਈਫਲ 3 ਪੋਜ਼ੀਸ਼ਨ ਐਸਐਚ1 ਦੇ ਫਾਈਨਲ ਵਿੱਚ ਪਹੁੰਚੀ। ਅਵਨੀ ਕੁਆਲੀਫਿਕੇਸ਼ਨ ਰਾਊਂਡ ‘ਚ 7ਵੇਂ ਸਥਾਨ ‘ਤੇ ਰਹੀ। ਇਸੇ ਈਵੈਂਟ ਵਿੱਚ ਇੱਕ ਹੋਰ ਭਾਰਤੀ ਅਥਲੀਟ ਮੋਨਾ ਅਗਰਵਾਲ ਕੁਆਲੀਫਾਈ ਨਹੀਂ ਕਰ ਸਕੀ। ਮੋਨਾ 13ਵੇਂ ਸਥਾਨ ‘ਤੇ ਰਹੀ।
ਅਵਨੀ ਹੁਣ ਸ਼ਾਮ 7:30 ਵਜੇ 50 ਮੀਟਰ ਰਾਈਫਲ 3 ਪੋਜ਼ੀਸ਼ਨ ਐਸਐਚ1 ਦਾ ਮੈਡਲ ਮੈਚ ਖੇਡੇਗੀ। ਦੀਪਤੀ ਜੀਵਨਜੀ ਰਾਤ 10 ਵਜੇ ਪੈਰਾ-ਐਥਲੈਟਿਕਸ ਦੇ 400 ਮੀਟਰ ਟੀ-20 ਫਾਈਨਲ ਵਿੱਚ ਹਿੱਸਾ ਲਵੇਗੀ।
ਪੂਜਾ ਤੀਰਅੰਦਾਜ਼ੀ ਦੇ ਮਹਿਲਾ ਵਿਅਕਤੀਗਤ ਰਿਕਰਵ ਈਵੈਂਟ ਦੇ ਕੁਆਰਟਰ ਫਾਈਨਲ ਵਿੱਚ ਪਹੁੰਚ ਗਈ ਹੈ। ਉਸ ਨੇ ਪ੍ਰੀ-ਕੁਆਰਟਰ ਫਾਈਨਲ ਵਿੱਚ ਤੁਰਕੀ ਦੀ ਯਾਗੁਮੁਰ ਸੇਂਗੁਲ ਨੂੰ 6-0 ਨਾਲ ਹਰਾਇਆ। ਰਾਤ 8:21 ਵਜੇ ਕੁਆਰਟਰ ਫਾਈਨਲ ਵਿੱਚ ਉਨ੍ਹਾਂ ਦਾ ਸਾਹਮਣਾ ਚੀਨ ਦੇ ਚੁਨਯਾਨ ਨਾਲ ਹੋਵੇਗਾ।
2016 ਰੀਓ ਪੈਰਾਲੰਪਿਕਸ ਦੇ ਸੋਨ ਤਮਗਾ ਜੇਤੂ ਮਰਿਯੱਪਨ ਥੰਗਾਵੇਲੂ ਰਾਤ 11:50 ਵਜੇ ਉੱਚੀ ਛਾਲ ਦਾ T63 ਫਾਈਨਲ ਖੇਡਣਗੇ। ਸ਼ੈਲੇਸ਼ ਕੁਮਾਰ ਅਤੇ ਸ਼ਰਦ ਕੁਮਾਰ ਵੀ ਇਸ ਸਮਾਗਮ ਵਿੱਚ ਸ਼ਿਰਕਤ ਕਰਨਗੇ।
