ਸੀਨੀਅਰ ਪੁਰਸ਼ ਟੀਮ ਦੇ ਖਿਡਾਰੀ ਵੀ ਆਈਸੀਸੀ ਮਹਿਲਾ ਅੰਡਰ-19 ਟੀ-20 ਵਿਸ਼ਵ ਕੱਪ ਵਿੱਚ ਭਾਰਤ ਦੀ ਜਿੱਤ ਤੋਂ ਬਾਅਦ ਉਤਸ਼ਾਹਿਤ ਨਜ਼ਰ ਆਏ। ਕੋਚ ਰਾਹੁਲ ਦ੍ਰਾਵਿੜ ਦੇ ਨਾਲ-ਨਾਲ ਸਾਰੇ ਖਿਡਾਰੀਆਂ ਨੇ ਚੈਂਪੀਅਨ ਲੜਕੀਆਂ ਲਈ ਖਾਸ ਸੰਦੇਸ਼ ਭੇਜਿਆ ਹੈ। ਦ੍ਰਾਵਿੜ ਨੇ ਇਸ ਨੂੰ ਇਤਿਹਾਸਕ ਦਿਨ ਦੱਸਿਆ ਹੈ। ਬੀਸੀਸੀਆਈ ਨੇ ਇਸ ਸਬੰਧੀ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤਾ ਹੈ।
ਦ੍ਰਾਵਿੜ ਨੇ ਬੀ.ਸੀ.ਸੀ.ਆਈ. ਦੁਆਰਾ ਪੋਸਟ ਕੀਤੇ ਇੱਕ ਵੀਡੀਓ ਵਿੱਚ ਕਿਹਾ, “ਇਹ ਭਾਰਤੀ ਮਹਿਲਾ ਅੰਡਰ-19 ਟੀਮ ਲਈ ਇੱਕ ਇਤਿਹਾਸਕ ਦਿਨ ਸੀ।” ਦ੍ਰਾਵਿੜ ਨੇ ਇਸ ਤੋਂ ਬਾਅਦ ਸਾਬਕਾ ਪੁਰਸ਼ ਅੰਡਰ-19 ਚੈਂਪੀਅਨ ਕਪਤਾਨ ਪ੍ਰਿਥਵੀ ਸ਼ਾਅ ਨੂੰ ਮਾਈਕ ਦਿੱਤਾ। ਆਪਣੀ ਕਪਤਾਨੀ ‘ਚ ਭਾਰਤ ਨੂੰ ਅੰਡਰ-19 ਚੈਂਪੀਅਨ ਬਣਾਉਣ ਵਾਲੇ ਪ੍ਰਿਥਵੀ ਸ਼ਾਅ ਨੇ ਵੀ ਮਹਿਲਾ ਟੀਮ ਨੂੰ ਵਧਾਈ ਦਿੱਤੀ। ਪ੍ਰਿਥਵੀ ਸ਼ਾਅ ਨੇ ਕਿਹਾ, ”ਮੈਨੂੰ ਲੱਗਦਾ ਹੈ ਕਿ ਇਹ ਵੱਡੀ ਪ੍ਰਾਪਤੀ ਹੈ। ਵਧਾਈਆਂ, ਬਹੁਤ ਵਧੀਆ।” ਪ੍ਰਿਥਵੀ ਦੇ ਬੋਲਣ ਤੋਂ ਬਾਅਦ, ਲਖਨਊ ਸਥਿਤ ਪੂਰੀ ਟੀਮ ਨੇ ਮਹਿਲਾ ਟੀਮ ਲਈ ਤਾੜੀਆਂ ਵਜਾਈਆਂ।