ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਗੂਗਲ ਗੂਗਲ ਦੇ ਸੀਈਓ ਸੁੰਦਰ ਪਿਚਾਈ ਨੇ ਬੀਤੇ ਸੋਮਵਾਰ ਨੂੰ ਭਾਰਤ ਵਿੱਚ ਇਲੈਕਟ੍ਰੋਨਿਕਸ ਨਿਰਮਾਣ ਈਕੋਸਿਸਟਮ ਬਾਰੇ ਇੱਕ ਮੀਟਿੰਗ ਕੀਤੀ। ਦੋਵਾਂ ਦੀ ਇਹ ਮੁਲਾਕਾਤ ਵੀਡੀਓ ਕਾਨਫਰੰਸਿੰਗ ਰਾਹੀਂ ਹੋਈ। ਮੈਨੂਫੈਕਚਰਿੰਗ ਤੋਂ ਇਲਾਵਾ AI ਸਣੇ ਹੋਰ ਚੀਜ਼ਾਂ ‘ਤੇ ਚਰਚਾ ਕੀਤੀ ਗਈ। ਪ੍ਰਧਾਨ ਮੰਤਰੀ ਨੇ ਭਾਰਤ ਵਿੱਚ ਕ੍ਰੋਮਬੁੱਕ ਬਣਾਉਣ ਅਤੇ 100 ਭਾਸ਼ਾਵਾਂ ਦੀ ਪਹਿਲਕਦਮੀ ਲਈ ਐਚਪੀ ਨਾਲ ਸਾਂਝੇਦਾਰੀ ਕਰਨ ਲਈ ਗੂਗਲ ਦੀ ਸ਼ਲਾਘਾ ਕੀਤੀ ਹੈ।
ਇਸ ਦੇ ਨਾਲ ਹੀ, ਉਸਨੇ AI ਸੰਮੇਲਨ ਵਿੱਚ ਗਲੋਬਲ ਪਾਰਟਨਰਸ਼ਿਪ ਯੋਗਦਾਨ ਲਈ ਗੂਗਲ ਨੂੰ ਸੱਦਾ ਦਿੱਤਾ। ਇਹ ਸਿਖਰ ਸੰਮੇਲਨ ਦਸੰਬਰ ਵਿੱਚ ਨਵੀਂ ਦਿੱਲੀ ਵਿੱਚ ਹੋਵੇਗਾ। ਪ੍ਰਧਾਨ ਮੰਤਰੀ ਨੇ ਗਾਂਧੀਨਗਰ ਵਿੱਚ ਗੁਜਰਾਤ ਇੰਟਰਨੈਸ਼ਨਲ ਫਾਈਨਾਂਸ ਟੈਕ-ਸਿਟੀ (GIFT) ਵਿੱਚ ਆਪਣਾ ਗਲੋਬਲ ਫਿਨਟੇਕ ਸੰਚਾਲਨ ਕੇਂਦਰ ਸਥਾਪਤ ਕਰਨ ਦੀ ਗੂਗਲ ਦੀ ਯੋਜਨਾ ਦਾ ਸੁਆਗਤ ਕੀਤਾ। ਜਦਕਿ ਸੁੰਦਰ ਪਿਚਾਈ ਨੇ ਐਕਸ ‘ਤੇ ਲਿਖਿਆ- ਇਸ ਸ਼ਾਨਦਾਰ ਮੁਲਾਕਾਤ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਧੰਨਵਾਦ।
ਮੀਟਿੰਗ ਦੌਰਾਨ, ਪਿਚਾਈ ਨੇ GPay ਅਤੇ UPI ਦੀ ਪਹੁੰਚ ਅਤੇ ਸ਼ਕਤੀ ਦਾ ਲਾਭ ਉਠਾ ਕੇ ਭਾਰਤ ਦੇ ਵਿੱਤੀ ਸਮਾਵੇਸ਼ ਨੂੰ ਬਿਹਤਰ ਬਣਾਉਣ ਦੀਆਂ ਯੋਜਨਾਵਾਂ ਦੀ ਰੂਪਰੇਖਾ ਦਿੱਤੀ।ਗੂਗਲ ਭਾਰਤ ‘ਚ ਸਿੰਗਲ ਯੂਨੀਫਾਈਡ ਏਆਈ ਮਾਡਲ ਬਣਾਉਣਾ ਚਾਹੁੰਦਾ ਹੈ।
ਇਹ 100 ਤੋਂ ਵੱਧ ਭਾਰਤੀ ਭਾਸ਼ਾਵਾਂ ਨੂੰ ਸੰਭਾਲਣ ਦੇ ਯੋਗ ਹੋਵੇਗਾ। ਇਹ ਕੰਪਨੀ ਦੇ ਗਲੋਬਲ ਯਤਨਾਂ ਦਾ ਹਿੱਸਾ ਹੈ। ਕੰਪਨੀ ਦੁਨੀਆ ਵਿੱਚ ਸਭ ਤੋਂ ਵੱਧ ਬੋਲੀਆਂ ਜਾਣ ਵਾਲੀਆਂ 1000 ਭਾਸ਼ਾਵਾਂ ਨੂੰ ਆਨਲਾਈਨ ਲਿਆਉਣਾ ਚਾਹੁੰਦੀ ਹੈ। ਇਸ ਤਰ੍ਹਾਂ ਲੋਕਾਂ ਨੂੰ ਆਪਣੀ ਪਸੰਦ ਦੀ ਭਾਸ਼ਾ ਵਿੱਚ ਜਾਣਕਾਰੀ ਮਿਲੇਗੀ। ਕੰਪਨੀ IT ਮਦਰਾਸ ਵਿੱਚ ਜ਼ਿੰਮੇਵਾਰ ਏਆਈ ਲਈ ਇੱਕ ਨਵੇਂ ਕੇਂਦਰ ਦਾ ਵੀ ਸਮਰਥਨ ਕਰ ਰਹੀ ਹੈ।
