ਹਰਿਆਣਾ ਦੇ ਹਸਪਤਾਲਾਂ ਵਿੱਚ ਡਾਕਟਰਾਂ ਅਤੇ ਸਟਾਫ਼ ਲਈ ਨਵਾਂ ਡਰੈੱਸ ਕੋਡ ਤਿਆਰ ਕਰਕੇ ਲਾਗੂ ਕੀਤਾ ਗਿਆ ਹੈ। ਸਿਹਤ ਵਿਭਾਗ ਦੇ ਨਵੇਂ ਡਰੈੱਸ ਕੋਡ ਵਿੱਚ ਡੈਨੀਮ ਸਕਰਟ, ਡੈਨੀਮ ਡਰੈੱਸ, ਸਵੈਟ ਸ਼ਰਟ, ਸਵੈਟ ਸੂਟ, ਸ਼ਾਰਟਸ, ਜੀਨਸ, ਪਲਾਜ਼ੋ, ਸਲੈਕਸ ਡਰੈੱਸ, ਸਕਰਟ, ਪਲਾਜ਼ੋ, ਸਟ੍ਰੈਚ ਟੀ-ਸ਼ਰਟ ਅਤੇ ਪੈਂਟ, ਫਿਟਿੰਗ ਪੈਂਟ, ਕੇਪਰੀ, ਹਿੱਪ ਹੱਗਰ, ਸਟ੍ਰੈਪਲੈੱਸ ਜਾਂ ਬੈਕਲੇਸ ਟਾਪ, ਕ੍ਰੌਪ ਟਾਪ, ਕਮਰ ਲਾਈਨ ਤੋਂ ਛੋਟਾ ਟਾਪ, ਡੀਪ ਨੈਕ ਟਾਪ, ਆਫ ਸ਼ੋਲਡਰ ਬਲਾਊਜ਼ ਅਤੇ ਸਨੀਕਰ-ਸਲਿੱਪਰ ਤੇ ਪਾਬੰਦੀ ਲਗਾਈ ਗਈ ਹੈ।
ਔਰਤਾਂ ਸਟਾਈਲਿਸ਼ ਪਹਿਰਾਵੇ ਦੇ ਇਲਾਵਾ ਭਾਰੀ ਗਹਿਣੇ ਅਤੇ ਮੇਕਅੱਪ ਦੀ ਵਰਤੋਂ ਵੀ ਨਹੀਂ ਕਰਨਗੀਆਂ। ਨਹੁੰ ਵੀ ਲੰਬੇ ਨਹੀਂ ਹੋਣਗੇ। ਡਰੈਸ ਕੋਡ ਦੀ ਪਾਲਣਾ ਨਾ ਕਰਨ ਵਾਲੇ ਸਟਾਫ ਨੂੰ ਡਿਊਟੀ ਤੋਂ ਗੈਰਹਾਜ਼ਰ ਮੰਨ ਕੇ ਕਾਰਵਾਈ ਕੀਤੀ ਜਾਵੇਗੀ। ਦੂਜੇ ਪਾਸੇ, ਮਰਦਾਂ ਦੇ ਵਾਲ ਕਾਲਰ ਤੋਂ ਲੰਬੇ ਨਹੀਂ ਹੋਣਗੇ।
ਸਿਹਤ ਡਾਇਰੈਕਟਰ ਨੇ ਇਹ ਹੁਕਮ ਸਾਰੇ ਹਸਪਤਾਲਾਂ ਨੂੰ ਭੇਜ ਦਿੱਤੇ ਹਨ। ਜੋ ਕਿ ਡਾਕਟਰਾਂ ਅਤੇ ਸਟਾਫ ਤੋਂ ਇਲਾਵਾ ਹਰ ਸਮੇਂ ਆਪਣੀ ਡਿਊਟੀ ਦੌਰਾਨ ਸਾਰੇ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ‘ਤੇ ਵੀ ਲਾਗੂ ਹੋਵੇਗਾ। ਕਿਸ ਰੰਗ ਦਾ ਪਹਿਰਾਵਾ ਹੋਵੇਗਾ ਇਹ ਸਿਵਲ ਸਰਜਨ ਤੈਅ ਕਰਨਗੇ ਅਧਿਕਾਰੀਆਂ ਦਾ ਤਰਕ ਹੈ ਕਿ ਇਸ ਨਾਲ ਮੁਲਾਜ਼ਮਾਂ ਦੀ ਉਨ੍ਹਾਂ ਦੇ ਅਹੁਦੇ ਦੇ ਹਿਸਾਬ ਨਾਲ ਪਛਾਣ ਕੀਤੀ ਜਾਵੇਗੀ। ਅਨੁਸ਼ਾਸਨ ਅਤੇ ਸਮਾਨਤਾ ਬਣਾਈ ਰੱਖਣ ਨਾਲ ਮਰੀਜ਼ਾਂ ਦੀ ਬਿਹਤਰ ਸੇਵਾ ਕੀਤੀ ਜਾ ਸਕੇਗੀ।