ਨਵੀਂ ਦਿੱਲੀ: ਸਰਦੀਆਂ ਵਿਚ ਸੰਘਣੀ ਧੁੰਦ ਦੇ ਦੌਰਾਨ ਟਰੇਨਾਂ ਲੇਟ ਹੋ ਜਾਂਦੀਆਂ ਹਨ, ਜਿਸਦੇ ਰੱਦ ਹੋਣ ਦੀ ਵਜ੍ਹਾ ਨਾਲ ਕਰੋੜਾਂ ਲੋਕ ਪ੍ਰਭਾਵਿਤ ਹੁੰਦੇ ਹਨ ਅਤੇ ਕਾਫ਼ੀ ਵਿੱਤੀ ਨੁਕਸਾਨ ਵੀ ਹੁੰਦਾ ਹੈ। ਇਸ ਨੂੰ ਧਿਆਨ ’ਚ ਰੱਖ ਕੇ ਰੇਲ ਪ੍ਰਸ਼ਾਸਨ ਨੇ ਆਪਣੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ। ਉੱਤਰ ਰੇਲਵੇ ਦੇ ਮਹਾਪ੍ਰਬੰਧਕ ਆਸ਼ੂਤੋਸ਼ ਗੰਗਲ ਨੇ ਸਾਰੇ ਮੰਡਲਾਂ ਦੇ ਅਧਿਕਾਰੀਆਂ ਨੂੰ ਸੁਰੱਖਿਅਤ ਰੇਲ ਆਵਾਜਾਈ ਲਈ ਜ਼ਰੂਰੀ ਕਦਮ ਚੁੱਕਣ ਦਾ ਨਿਰਦੇਸ਼ ਦਿੱਤਾ ਹੈ। ਇੰਜਣ ’ਚ ਫੌਗ ਸੇਫ਼ਟੀ ਡਿਵਾਈਸ ਲਾਇਆ ਜਾ ਰਿਹਾ ਹੈ।, ਜਿਸ ਨਾਲ ਕਿ ਲੋਕੋ ਪਾਇਲਟ ਨੂੰ ਸਿਗਨਲ ਆਉਣ ਦੀ ਜਾਣਕਾਰੀ ਮਿਲ ਸਕੇ। ਰੇਲ ਪਟੜੀਆਂ ਦੀ ਨਿਗਰਾਨੀ ਵਧਾ ਦਿੱਤੀ ਗਈ ਹੈ। ਆਵਾਜਾਈ ਨਾਲ ਜੁੜੇ ਕਰਮਚਾਰੀਆਂ ਨੂੰ ਸਿਖਲਾਈ ਦਿੱਤੀ ਜਾ ਰਹੀ ਹੈ।
ਧੁੰਦ ਦੌਰਾਨ ਸੁਰੱਖਿਅਤ ਰੇਲ ਆਵਾਜਾਈ ਦੀ ਸਭ ਤੋਂ ਵੱਡਾ ਹਥਿਆਰ ਫੌਗ ਸੇਫਟੀ ਡਿਵਾਈਸ਼ ਹੈ। ਰੇਲ ਇੰਜਣ ’ਚ ਰੱਖੇ ਜਾਣ ਵਾਲੇ ਇਸ ਯੰਤਰ ਨਾਲ ਲੋਕੋ ਪਾਇਲਟ ਸਿਗਨਲ ਨੂੰ ਲੈ ਕੇ ਸੁਚੇਤ ਰਹਿੰਦਾ ਹੈ। ਸਿਗਨਲ ਦੇ ਇਕ ਕਿਲੋਮੀਟਰ ਪਹਿਲਾਂ ਇਸ ਯੰਤਰ ’ਚ ਲੱਗਿਆ ਹੋਇਆ ਅਲਾਰਮ ਵੱਚਣ ਲੱਗਦਾ ਹੈ।ਇਸ ਦੇ ਨਾਲ ਹੀ ਸਕਰੀਨ ’ਤੇ ਵੀ ਇਸ ਦੀ ਜਾਣਕਾਰੀ ਮਿਲਦੀ ਹੈ। ਉੱਤਰ ਰੇਲਵੇ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਐਕਸਪ੍ਰੈਸ ਤੇ ਪੈਸੰਜਰ ਟਰੇਨਾਂ ਦੇ ਨਾਲ ਹੀ ਮਾਲਗੱਡੀਆਂ ’ਚ ਵੀ ਇਸ ਤਰ੍ਹਾਂ ਦੇ ਯੰਤਰ ਲਾਏ ਜਾ ਰਹੇ ਹਨ। ਲਗਪਗ 27 ਸੌ ਉਪਕਰਨ ਪ੍ਰਯੋਗ ’ਚ ਲਿਆਂਦੇ ਜਾਣਗੇ। ਜ਼ਿਆਦਾਤਰ ਇੰਜਣ ’ਚ ਇਸ ਨੂੰ ਲਾ ਦਿੱਤਾ ਗਿਆ ਹੈ। ਇਕ ਯੰਤਰ ਦੀ ਲਾਗਤ ਲਗਪਗ 47 ਹਜ਼ਾਰ ਰੁਪਏ ਹੈ। ਕੋਹਰਾ ਜ਼ਿਆਦਾ ਹੋਣ ਦੀ ਸਥਿਤੀ ’ਚ ਕੁਝ ਥਾਵਾਂ ’ਤੇ ਡੈਟੋਨੇਟਰ (ਪਟਾਕਿਆਂ) ਦੀ ਵਰਤੋਂ ਕੀਤੀ ਜਾਂਦੀ ਹੈ। ਸਿਗਨਲ ਤੋਂ ਕੁਝ ਪਹਿਲਾਂ ਵਿਸ਼ੇਸ਼ ਤਰ੍ਹਾਂ ਦੇ ਪਟਾਕੇ ਟਰੈਕ ’ਤੇ ਰੱਖ ਦਿੱਤੇ ਜਾਂਦੇ ਹਨ। ਇਸ ਨਾਲ ਇੰਜਣ ਦੇ ਲੰਘਣ ਨਾਲ ਆਵਾਜ਼ ਹੁੰਦੀ ਹੈ, ਜਿਸ ਨੂੰ ਲੋਕੋ ਪਾਇਲਟ ਚੌਕ ਹੋ ਜਾਂਦਾ ਹੈ। ਪਹਿਲਾਂ ਇਸ ਦੀਵ ਰਤੋਂ ਜ਼ਿਆਦਾ ਹੁੰਦੀ ਸੀ ਪਰ ਹੁਣ ਇਸ ਜਗ੍ਹਾ ਫੌਗ ਸੇਫਟੀ ਡਿਵਾਈਸ ਨੂੰ ਉਤਸ਼ਾਹ ਦਿੱਤਾ ਜਾ ਰਿਹਾ ਹੈ।
