ਯਾਤਰੀਆਂ ਦੀ ਸਹੂਲਤਾਂ ਲਈ ਰੇਲਵੇ ਲਗਾਤਾਰ ਸੁਧਾਰ ਕਰ ਰਿਹਾ ਹੈ। ਰੇਲਵੇ ਨੇ ਰਾਤ ਨੂੰ ਸਫਰ ਕਰਨ ਵਾਲਿਆਂ ਲਈ ਸ਼ਾਨਦਾਰ ਸੇਵਾ ਸ਼ੁਰੂ ਕੀਤੀ ਹੈ। ਇਸ ਸਹੂਲਤ ਦੇ ਸ਼ੁਰੂ ਹੋਣ ਤੋਂ ਬਾਅਦ ਤੁਸੀਂ ਰੇਲਗੱਡੀ ਵਿੱਚ ਆਰਾਮ ਨਾਲ ਸੌਂ ਸਕੋਗੇ। ਤੁਹਾਨੂੰ ਆਪਣੇ ਸਟੇਸ਼ਨ ‘ਤੇ ਲੰਘ ਜਾਣ ਦੀ ਚਿੰਤਾ ਨਹੀਂ ਕਰਨੀ ਪਵੇਗੀ ਜਿਸ ‘ਤੇ ਤੁਹਾਨੂੰ ਉਤਰਨਾ ਹੈ। ਰੇਲਵੇ ਦੁਆਰਾ ਸ਼ੁਰੂ ਕੀਤੀ ਗਈ ਇਸ ਸਹੂਲਤ ਨਾਲ, ਤੁਸੀਂ ਸਟੇਸ਼ਨ ‘ਤੇ ਆਉਣ ਤੋਂ 20 ਮਿੰਟ ਪਹਿਲਾਂ ਉੱਠ ਜਾਓਗੇ ਅਤੇ ਬਾਕੀ ਸਮੇ ਤੁਸੀਂ ਚੰਗੀ ਨੀਂਦ ਲੈ ਸਕੋਗੇ।
ਰੇਲਵੇ ਵੱਲੋਂ ਸ਼ੁਰੂ ਕੀਤੀ ਗਈ ਇਸ ਸਹੂਲਤ ਦਾ ਨਾਂ ‘ਡੈਸਟੀਨੇਸ਼ਨ ਅਲਰਟ ਵੇਕ ਅੱਪ ਅਲਾਰਮ’ ਹੈ। ਕਈ ਵਾਰ ਰੇਲਵੇ ਬੋਰਡ ਨੂੰ ਸ਼ਿਕਾਇਤਾਂ ਮਿਲਦੀਆਂ ਹਨ ਕਿ ਟਰੇਨ ਲੇਟ ਹੈ, ਇਸ ਲਈ ਯਾਤਰੀ ਟਰੇਨ ‘ਚ ਸੌਂਦੇ ਹੀ ਰਹਿ ਗਏ \ ਅਤੇ ਜਿਸ ਸਟੇਸ਼ਨ ‘ਤੇ ਯਾਤਰੀ ਨੇ ਉਤਰਨਾ ਸੀ, ਉਸ ਸਟੇਸ਼ਨ ‘ਤੇ ਨਹੀਂ ਉਤਰ ਸਕੇ। ਅਜਿਹੀ ਕਿਸੇ ਵੀ ਸਮੱਸਿਆ ਤੋਂ ਛੁਟਕਾਰਾ ਪਾਉਣ ਲਈ ਰੇਲਵੇ ਨੇ ਨਵੀਂ ਸਹੂਲਤ ਸ਼ੁਰੂ ਕੀਤੀ ਹੈ। ਇਹ ਸੇਵਾ 139 ਨੰਬਰ ਦੀ ਪੁੱਛਗਿੱਛ ਸੇਵਾ ਰਾਹੀਂ ਪ੍ਰਾਪਤ ਕੀਤੀ ਜਾ ਸਕਦੀ ਹੈ।
ਇਸ ਦੇ ਲਈ ਤੁਸੀਂ ਇਨਕੁਆਰੀ ਸਿਸਟਮ ਨੰਬਰ 139 ‘ਤੇ ਅਲਰਟ ਦੀ ਸੁਵਿਧਾ ਮੰਗ ਸਕਦੇ ਹੋ। ਇਹ ਸਹੂਲਤ ਰਾਤ 11 ਵਜੇ ਤੋਂ ਸਵੇਰੇ 7 ਵਜੇ ਤੱਕ ਮਿਲੇਗੀ। ਕੋਈ ਵੀ ਇਸ ਦਾ ਲਾਭ ਲੈ ਸਕਦਾ ਹੈ। ਇਸ ‘ਚ ਤੁਹਾਨੂੰ ਟਰੇਨ ਦੇ ਸਟੇਸ਼ਨ ‘ਤੇ ਪਹੁੰਚਣ ਤੋਂ 20 ਮਿੰਟ ਪਹਿਲਾਂ ਉਠਾ ਲਿਆ ਜਾਵੇਗਾ। ਇਸ ਸੇਵਾ ਦੇ ਲਈ ਤੁਹਾਨੂੰ ਸਿਰਫ 3 ਰੁਪਏ ਦੇਣੇ ਹੋਣਗੇ।