ਸਾਲ 2022 ਖਤਮ ਹੋਣ ਵਾਲਾ ਹੈ। ਇਸ ਦੇ ਥੋੜੇ ਦਿਨ ਹੀ ਰਹਿ ਗਏ ਹਨ। ਜਿਸ ਕਰਕੇ ਆਲੀਆ ਭੱਟ ਨੇ ਵੀ ਅਣਦੇਖੀਆਂ ਤਸਵੀਰਾਂ ਦਾ ਪਿਟਾਰਾ ਖੋਲ੍ਹਿਆ ਹੈ। ਉਸ ਨੇ ਆਪਣੇ ਵਿਆਹ, ਗਰਭ ਅਵਸਥਾ ਅਤੇ ਛੁੱਟੀਆਂ ਦੀਆਂ ਕੁੱਝ ਖੂਬਸੂਰਤ ਤਸਵੀਰਾਂ ਦਾ ਵੀਡੀਓ ਬਣਾ ਕੇ ਆਪਣੇ ਇੰਸਟਾਗ੍ਰਾਮ ’ਤੇ ਪੋਸਟ ਕੀਤਾ ਹੈ। ਉਨਾਂ ਨੇ ਤਸਵੀਰਾਂ ਦੇ ਨਾਲ ਕੈਪਸ਼ਨ ਵੀ ਦਿੱਤਾ ਹੈ। ਜਿਸ ਵਿੱਚ ਉਨ੍ਹਾਂ ਨੇ ਦੱਸਿਆ ਹੈ ਕਿ ਉਸਨੇ ਤਿੰਨ ਮਹੀਨਿਆਂ ਤੱਕ ਕੀ ਖਾਧਾ ਤੇ ਗਰਭ ਅਵਸਥਾ ਦੌਰਾਨ ਬੇਬੀ ਰਾਹਾ ਲਈ ਕਿਹੜੀ ਕਸਰਤ ਕੀਤੀ ਜਾਂਦੀ ਸੀ। ਇਸ ਦੀ ਝਲਕ ਵੀ ਦਿਖਾਈ ਗਈ ਹੈ।
ਆਲੀਆ ਭੱਟ ਨੇ ਆਪਣੇ ਇਸ ਸਾਲ ਦੀਆਂ ਕੁੱਝ ਅਜਿਹੀਆਂ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ ਹੈ, ਜੋ ਉਨ੍ਹਾਂ ਨੇ ਪਹਿਲਾਂ ਕਦੇਂ ਇੰਸਟਾਗ੍ਰਾਮ ’ਤੇ ਪੋਸਟ ਨਹੀਂ ਕੀਤੀਆਂ ਸਨ। ਆਲੀਆਂ ਨੇ ਸਾਲ 2022 ਦੀਆਂ ਤਸਵੀਰਾਂ ਦਾ ਖੂਬਸੂਰਤ ਮੋਨਟੇਜ ਬਣਾਇਆ ਹੈ। ਇਸ ਮੋਨਟੇਜ ’ਚ ਆਲੀਆ ਦੀ ਜਿੰਦਗੀ ਦੇ ਖੂਬਸੂਰਤ ਪਲ ਨਜ਼ਰ ਆ ਰਹੇ ਹਨ। ਇਸ ਮੋਨਟੇਜ ’ਚ ਆਲੀਆ ਦੀ ਵਿਆਹ ਤੋਂ ਪਹਿਲਾਂ ਦੀਆਂ ਤਿਆਰੀਆਂ ਵੀ ਦਿਖਾਈਆਂ ਗਈਆਂ ਹਨ। ਰਾਹਾ ਦੇ ਜਨਮ ਤੋਂ ਬਾਅਦ ਜਦੋਂ ਆਲੀਆ ਭੱਟ ਪਹਿਲੇ ਦਿਨ ਯੋਗਾ ਕਰਨ ਪਹੁੰਚੀ ਤਾਂ ਉਸ ਨੇ ਇਸ ਦਾ ਵੀਡੀਓ ਵੀ ਪੋਸਟ ਕੀਤਾ ਹੈ। ਆਲੀਆ ਦੇ ਵੀਡੀਓ ’ਚ ਰਣਬੀਰ ਕਪੂਰ ਅਤੇ ਉਨਾਂ ਦੀ ਬੇਟੀ ਰਾਹਾ ਦੀ ਕੋਈ ਵੀ ਝਲਕ ਨਜ਼ਰ ਨਹੀਂ ਆਈ।
