ਆਈਪੀਐਲ (ਇੰਡੀਅਨ ਪ੍ਰੀਮੀਅਰ ਲੀਗ) ਲਈ ਸ਼ੁੱਕਰਵਾਰ ਨੂੰ ਹੋਈ ਨਿਲਾਮੀ ਵਿੱਚ ਆਰੀਅਨ ਖਾਨ ਅਤੇ ਸੁਹਾਨਾ ਖਾਨ ਨੇ ਆਪਣੇ ਪਿਤਾ ਸ਼ਾਹਰੁਖ ਖਾਨ ਦੀ ਨੁਮਾਇੰਦਗੀ ਕੀਤੀ। ਡਰੱਗਜ਼ ਮਾਮਲੇ ਤੋਂ ਬਾਅਦ ਸ਼ਾਹਰੁਖ ਖਾਨ ਦੇ ਬੇਟੇ ਆਰੀਅਨ ਖਾਨ ਦੀ ਇਹ ਪਹਿਲੀ ਜਨਤਕ ਪੇਸ਼ੀ ਸੀ। ਸੁਹਾਨਾ ਖਾਨ ਪਹਿਲੀ ਵਾਰ IPL ਨਿਲਾਮੀ ‘ਚ ਨਜ਼ਰ ਆਈ ਹੈ, ਹਾਲਾਂਕਿ ਇਸ ਤੋਂ ਪਹਿਲਾਂ ਆਖਰੀ ਟਰਮ ‘ਚ ਉਨ੍ਹਾਂ ਦਾ ਭਰਾ ਆਰੀਅਨ ਵੀ ਨਜ਼ਰ ਆ ਚੁੱਕਾ ਹੈ।
ਪਿਛਲੇ ਸਾਲ, ਉਹ ਸਹਿ-ਮਾਲਕ ਜੂਹੀ ਚਾਵਲਾ ਦੀ ਬੇਟੀ ਜਾਹਨਵੀ ਮਹਿਤਾ ਨਾਲ ਇਵੈਂਟ ‘ਤੇ ਨਜ਼ਰ ਆਈ ਸੀ। ਜੂਹੀ ਚਾਵਲਾ ਬਹੁਤ ਖੁਸ਼ ਹੋਈ ਅਤੇ ਉਸ ਸਮੇਂ ਟਵਿੱਟਰ ‘ਤੇ ਦੋਵਾਂ ਦੀ ਤਸਵੀਰ ਸਾਂਝੀ ਕੀਤੀ ਅਤੇ ਲਿਖਿਆ, “ਨਿਲਾਮੀ ਟੇਬਲ ‘ਤੇ ਕੇਕੇਆਰ ਦੇ ਬੱਚਿਆਂ, ਆਰੀਅਨ ਅਤੇ ਜਾਹਨਵੀ ਨੂੰ ਦੇਖ ਕੇ ਬਹੁਤ ਖੁਸ਼ੀ ਹੋਈ।”
ਕੋਲਕਾਤਾ ਨਾਈਟ ਰਾਈਡਰਜ਼ ਨੇ ਇੰਡੀਅਨ ਪ੍ਰੀਮੀਅਰ ਲੀਗ ਦੇ 15ਵੇਂ ਐਡੀਸ਼ਨ ਲਈ ਆਂਦਰੇ ਰਸਲ, ਵਰੁਣ ਚੱਕਰਵਰਤੀ, ਵੈਂਕਟੇਸ਼ ਅਈਅਰ ਅਤੇ ਸੁਨੀਲ ਨਾਰਾਇਣ ਨੂੰ ਬਰਕਰਾਰ ਰੱਖਿਆ ਹੈ।
