ਹਾਲੀਵੁੱਡ ਦੇ ਦਿੱਗਜ ਨਿਰਦੇਸ਼ਕ ਜੇਮਸ ਕੈਮਰਨ ਦੀ ਮਸ਼ਹੂਰ ਫਿਲਮ ‘ਅਵਤਾਰ 2’ ਇਨ੍ਹੀਂ ਦਿਨੀਂ ਭਾਰਤੀ ਬਾਕਸ ਆਫਿਸ ‘ਤੇ ਆਪਣੀ ਮਜ਼ਬੂਤ ਪਕੜ ਬਣਾਈ ਰੱਖ ਰਹੀ ਹੈ। ਰਿਲੀਜ਼ ਦੇ 8ਵੇਂ ਦਿਨ ਵੀ ‘ਅਵਤਾਰ ਦਿ ਵੇ ਆਫ ਵਾਟਰ’ ਨੇ ਧਮਾਕੇਦਾਰ ਕਮਾਈ ਜਾਰੀ ਰੱਖੀ ਹੋਈ ਹੈ। ਆਲਮ ਇਹ ਹੈ ਕਿ ਹੁਣ ਇਹ ਫਿਲਮ ਭਾਰਤ ‘ਚ 200 ਕਰੋੜ ਦੀ ਕਮਾਈ ਕਰਨ ਵਾਲੀ ਫਿਲਮ ਬਣ ਗਈ ਹੈ। ਅਜਿਹੇ ‘ਚ ਆਓ ਜਾਣਦੇ ਹਾਂ ਕਿ ਪਿਛਲੇ ਇਕ ਹਫਤੇ ‘ਚ ‘ਅਵਤਾਰ ਦਿ ਵੇ ਆਫ ਵਾਟਰ’ ਨੇ ਭਾਰਤੀ ਬਾਕਸ ਆਫਿਸ ‘ਤੇ ਕਿਵੇਂ ਕਮਾਈ ਜਾਰੀ ਰੱਖੀ ਹੈ। ਭਾਰਤੀ ਬਾਕਸ ਆਫਿਸ ‘ਤੇ ਰਿਲੀਜ਼ ਦੇ 8ਵੇਂ ਦਿਨ ‘ਅਵਤਾਰ 2’ ਨੇ 200 ਕਰੋੜ ਦਾ ਜਾਦੂਈ ਅੰਕੜਾ ਪਾਰ ਕਰ ਲਿਆ ਹੈ। ਇਸ ਤੋਂ ਸਾਫ਼ ਅੰਦਾਜ਼ਾ ਲਾਇਆ ਜਾ ਸਕਦਾ ਹੈ ਕਿ ‘ਅਵਤਾਰ ਦਿ ਵੇਅ ਆਫ਼ ਵਾਟਰ’ ਅੱਜ ਵੀ ਦਰਸ਼ਕਾਂ ਦੀ ਪਹਿਲੀ ਪਸੰਦ ਬਣੀ ਹੋਈ ਹੈ।
ਰਿਪੋਰਟ ਮੁਤਾਬਕ ਨਿਰਦੇਸ਼ਕ ਜੇਮਸ ਕੈਮਰਨ ਦੀ ਫਿਲਮ ‘ਅਵਤਾਰ 2’ ਨੇ 8ਵੇਂ ਦਿਨ ਭਾਰਤੀ ਬਾਕਸ ਆਫਿਸ ‘ਤੇ ਕਰੀਬ 13.25 ਕਰੋੜ ਦਾ ਜ਼ਬਰਦਸਤ ਕਲੈਕਸ਼ਨ ਕਰ ਲਿਆ ਹੈ। ਇਸ ਨਾਲ ਭਾਰਤ ‘ਚ ‘ਅਵਤਾਰ 2’ ਦੀ ਕੁੱਲ ਕਮਾਈ 206.85 ਕਰੋੜ ਹੋ ਗਈ ਹੈ। ਸਾਫ ਸ਼ਬਦਾਂ ਵਿਚ ਕਹੀਏ ਤਾਂ ਆਪਣੀ ਰਿਲੀਜ਼ ਦੇ ਸਿਰਫ 8 ਦਿਨਾਂ ‘ਚ ‘ਅਵਤਾਰ ਦਿ ਵੇ ਆਫ ਵਾਟਰ’ ਭਾਰਤ ‘ਚ ਬਲਾਕਬਸਟਰ ਸਾਬਤ ਹੋਈ ਹੈ। 16 ਦਸੰਬਰ ਨੂੰ ਸਿਨੇਮਾਘਰਾਂ ‘ਚ ਬੰਪਰ ਓਪਨਿੰਗ ਨਾਲ ਸ਼ੁਰੂ ਹੋਈ ‘ਅਵਤਾਰ 2’ ਨੇ ਆਪਣੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਜੇਮਸ ਕੈਮਰਨ ਦੀ ‘ਅਵਤਾਰ ਦ ਵੇ ਆਫ ਵਾਟਰ’ ਨੇ ਪਹਿਲੇ ਦਿਨ ਭਾਰਤੀ ਬਾਕਸ ਆਫਿਸ ‘ਤੇ ਰਿਕਾਰਡ 41 ਕਰੋੜ ਦੀ ਕਮਾਈ ਕੀਤੀ। ਇਸ ਤੋਂ ਬਾਅਦ ਦੂਜੇ ਦਿਨ ਕਰੀਬ 42 ਕਰੋੜ, ਤੀਜੇ ਦਿਨ 46 ਕਰੋੜ, ਚੌਥੇ ਦਿਨ 16.65 ਕਰੋੜ, 5ਵੇਂ ਦਿਨ 15.75 ਕਰੋੜ, 6ਵੇਂ ਦਿਨ 13.8, 7ਵੇਂ ਦਿਨ 13.50 ਕਰੋੜ, ਪਹਿਲੇ ਹਫ਼ਤੇ ਇਸ ਨੇ ਲਗਭਗ 190-193 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਹੈ।
