ਅੱਜ ਸ਼ਹਿਨਾਜ਼ ਗਿੱਲ ਇੰਡਸਟਰੀ ਦਾ ਅਜਿਹਾ ਨਾਂ ਬਣ ਗਈ ਹੈ ਜਿਸ ਨੂੰ ਹਰ ਕੋਈ ਪਛਾਣਦਾ ਹੈ। ਬਿੱਗ ਬੌਸ ‘ਚ ‘ਪੰਜਾਬ ਦੀ ਕੈਟਰੀਨਾ’ ਦੇ ਨਾਂ ਨਾਲ ਇਹ ਅਦਾਕਾਰਾ ਕਾਫੀ ਚਰਚਾ ‘ਚ ਰਹੀ ਸੀ। ਅਦਾਕਾਰਾ ਦੇ ਪ੍ਰਸ਼ੰਸਕਾਂ ਲਈ ਅੱਜ ਦਾ ਦਿਨ ਬਹੁਤ ਖਾਸ ਹੈ ਕਿਉਂਕਿ ਅੱਜ ਸ਼ਹਿਨਾਜ਼ ਗਿੱਲ ਦਾ ਜਨਮ ਦਿਨ ਹੈ । ਸੋਸ਼ਲ ਮੀਡੀਆ ‘ਤੇ ਸਵੇਰ ਤੋਂ ਹੀ ਅਦਾਕਾਰਾ ਨੂੰ ਜਨਮਦਿਨ ਦੀਆਂ ਵਧਾਈਆਂ ਮਿਲ ਰਹੀਆਂ ਹਨ। ਇਸ ਦੌਰਾਨ ਭਰਾ ਸ਼ਹਿਬਾਜ਼ ਨੇ ਉਨ੍ਹਾਂ ਨੂੰ ਜਨਮ ਦਿਨ ਦੀ ਵਿਸ਼ੇਸ਼ ਵਧਾਈ ਦਿੱਤੀ ਹੈ।
ਸ਼ਹਿਬਾਜ਼ ਨੇ ਸ਼ਹਿਨਾਜ਼ ਦਾ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ ਜੋ ਹੁਣ ਕਾਫੀ ਵਾਇਰਲ ਹੋ ਰਿਹਾ ਹੈ। ਇਹ ਵੀਡੀਓ ਇੱਕ ਮਿਨਟ ਦੀ ਹੈ। ਇਸ ਪਿਆਰੀ ਜਿਹੀ ਵੀਡੀਓ ਦੇ ਨਾਲ ਸ਼ਹਿਬਾਜ਼ ਨੇ ਇੱਕ ਖ਼ਾਸ ਨੋਟ ਵੀ ਲਿਖਿਆ ਹੈ। ਸ਼ਹਿਬਾਜ਼ ਨੇ ਲਿਖਿਆ , “ਹੈਪੀ ਬਰਥਡੇਅ ਸਿਸਟਰ, ਮੈਂ ਮਾਣ ਨਾਲ ਕਹਿ ਸਕਦਾ ਹਾਂ ਕਿ ਤੇਰੇ ਬਿਨਾਂ ਮੈਂ ਕੁਝ ਵੀ ਨਹੀਂ ਹਾਂ। ਮੈਂ ਤੁਹਾਨੂੰ ਪਿਆਰ ਕਰਦਾ ਹਾਂ. ਰੱਬ ਤੈਨੂੰ ਮੇਰੀ ਉਮਰ ਵੀ ਬਖਸ਼ੇ।”ਇਸ ਇੱਕ ਮਿਨਟ ਦੀ ਵੀਡੀਓ ਦੇ ਵਿੱਚ ਸ਼ਹਿਬਾਜ਼ ਨੇ ਆਪਣੀ ਭੈਣ ਨਾਲ ਬਿੱਗ ਬੌਸ 13 ਦੀਆਂ ਕੁਝ ਯਾਦਾਂ ਸਾਂਝੀਆਂ ਕੀਤੀਆਂ ਹਨ। ਇਸ ਵੀਡੀਓ ਦੇ ਵਿੱਚ ਸ਼ਹਿਨਾਜ਼ ਤੇ ਸ਼ਹਿਬਾਜ਼ ਨੇ ਬਿੱਗ ਬੌਸ ਦੇ ਘਰ ਵਿੱਚ ਸਿਧਾਰਥ ਨਾਲ ਬਤੀਤ ਕੀਤੇ ਗਏ ਪਲਾਂ ਨੂੰ ਦਰਸਾਇਆ ਗਿਆ ਹੈ।
ਇਸ ਵੀਡੀਓ ਦੇ ਵਿੱਚ ਸ਼ਹਿਬਾਜ਼ ਨੇ ਆਪਣੀ ਆਵਾਜ਼ ਵਿੱਚ ਭੈਣ ਸ਼ਹਿਨਾਜ਼ ਲਈ ਇੱਕ ਖ਼ਾਸ ਗੀਤ ਵੀ ਗਾਇਆ ਹੈ। ਸ਼ਹਿਬਾਜ਼ ਵੱਲੋਂ ਸ਼ਹਿਨਾਜ਼ ਲਈ ਕੀਤੀ ਗਈ ਖ਼ਾਸ ਪੋਸਟ ਨੂੰ ਫੈਨਜ਼ ਬਹੁਤ ਪਸੰਦ ਕਰ ਰਹੇ ਹਨ। ਦੱਸ ਦਈਏ ਲੋਕ ਸ਼ਹਿਨਾਜ਼ ਦੇ ਫੈਨਜ਼ ਇਸ ਭੈਣ-ਭਰਾ ਦੀ ਜੋੜੀ ਨੂੰ ਵੀ ਬਹੁਤ ਪਸੰਦ ਕਰਦੇ ਹਨ। ਫੈਨਜ਼ ਸ਼ਹਿਬਾਜ਼ ਦੀ ਇਸ ਪੋਸਟ ਉੱਤ ਕਈ ਤਰ੍ਹਾਂ ਦੇ ਕਮੈਂਟ ਕਰਕੇ ਸ਼ਹਿਨਾਜ਼ ਨੂੰ ਉਸ ਦੇ ਜਨਮਦਿਨ ‘ਤੇ ਵਧਾਈਆਂ ਦੇ ਰਹੇ ਹਨ।
