ਤੁਨੀਸ਼ਾ ਸ਼ਰਮਾ ਖੁਦਕੁਸ਼ੀ ਮਾਮਲੇ ਨੂੰ ਲੈ ਕੇ ਸ਼ੀਜਾਨ ਮੁਹਮੰਦ ਖਾਨ ਤੋਂ ਲਗਾਤਾਰ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਪੁੱਛਗਿੱਛ ਦੌਰਾਨ ਸ਼ੀਜਾਨ ਨੇ ਤੁਨੀਸ਼ਾ ਨਾਲ ਬ੍ਰੇਕਅੱਪ ਨੂੰ ਲੈ ਕੇ ਨਵਾਂ ਬਿਆਨ ਦਿੱਤਾ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਸ਼ੀਜਾਨ ਨੇ ਪੁਲਿਸ ਨੂੰ ਦੱਸਿਆ ਕਿ ਉਹ ਆਪਣੇ ਕਰੀਅਰ ’ਤੇ ਧਿਆਨ ਦੇਣਾ ਚਾਹੁੰਦਾ ਸੀ, ਇਸ ਲਈ ਉਸ ਨੇ ਤੁਨੀਸ਼ਾ ਨਾਲ ਬ੍ਰੇਕਅੱਪ ਕੀਤਾ ਸੀ। ਇਸ ਤੋਂ ਪਹਿਲਾਂ ਸ਼ੀਜਾਨ ਨੇ ਦੱਸਿਆ ਸੀ ਕਿ ਧਰਮ ਅਤੇ ਉਮਰ ਦੇ ਫਰਕ ਕਾਰਨ ਉਸ ਨੇ ਤੁਨੀਸ਼ਾ ਨਾਲ ਰਿਸ਼ਤਾ ਤੋੜ ਲਿਆ ਸੀ।
ਮਾਮਲੇ ਦੀ ਜਾਂਚ ਦੌਰਾਨ ਪੁਲਿਸ ਨੇ ਸ਼ੀਜਾਨ ਦੇ ਫੋਨ ਦੀ ਵਟਸਐਪ ਚੈਟ ਤੇ ਰਿਕਾਰਡਿੰਗ ਬਰਾਮਦ ਕਰ ਲਈ ਹੈ। ਪਰ ਪੁਲਿਸ ਨੂੰ ਤੁਨੀਸ਼ਾ ਨਾਲ ਗੱਲਬਾਤ ’ਚ ਕੁੱਝ ਵੀ ਇਤਰਾਜ਼ਯੋਗ ਨਹੀਂ ਮਿਲੀਆ। ਪਰ ਪੁਲਿਸ ਹੁਣ ਤੱਕ ਤੁਨੀਸ਼ਾ ਦਾ ਫੋਨ ਅਨਲੋਕ ਨਹੀਂ ਕਰ ਸਕੀ ਹੈ। ਪੁਲਿਸ ਨੇ ਸ਼ੀਜਾਨ ਦਾ ਬਿਆਨ ਵੀ ਕੈਮਰੇ ’ਚ ਰਿਕਾਰਡ ਕਰ ਲਿਆ ਹੈ। ਸੂਤਰਾਂ ਮੁਤਾਬਕ ਤੁਨੀਸ਼ਾ ਬ੍ਰੇਕਅੱਪ ਤੋਂ ਦੁਖੀ ਹੋਣ ਦੇ ਨਾਲ-ਨਾਲ ਚਿੰਤਾ ਤੋਂ ਵੀ ਪੀੜਤ ਸੀ।
ਤੁਨੀਸ਼ਾ ਸ਼ਰਮਾ ਨੂੰ ਖੁਦਕੁਸ਼ੀ ਲਈ ਉਕਸਾਉਣ ਦੇ ਦੋਸ਼ੀ ਸ਼ੀਜਾਨ ਖਾਨ ਨੂੰ ਅੱਜ ਅਦਾਲਤ ’ਚ ਪੇਸ਼ ਕੀਤਾ ਜਾਵੇਗਾ। ਅੱਜ ਉਸ ਦਾ ਰਿਮਾਂਡ ਖਤਮ ਹੋ ਰਿਹਾ ਹੈ, ਜਿਸ ਕਾਰਨ ਉਸ ਨੂੰ ਵਸਈ ਦੀ ਅਦਾਲਤ ’ਚ ਪੇਸ਼ ਕੀਤਾ ਜਾਵੇਗਾ।
