ਸਾਲ 2021 ਦੇ ਮੁਕਾਬਲੇ ਯਾਤਰਾ 30-40%, ਹੋਟਲ ਦੇ ਖਰਚੇ 20-30% ਅਤੇ ਹੋਰ ਸਾਰੇ ਖਰਚੇ 50% ਮਹਿੰਗੇ ਹੋ ਗਏ ਹਨ। ਪਰ ਲਗਦਾ ਹੈ ਕਿ ਦੇਸ਼ ‘ਚ ਘੁੰਮਣ-ਫਿਰਨ ਦੇ ਸ਼ੌਕੀਨ ਲੋਕਾਂ ‘ਤੇ ਮਹਿੰਗਾਈ ਦਾ ਕੋਈ ਅਸਰ ਨਹੀਂ ਹੈ।ਕਿਉਕਿ ਇਸ ਵਾਰ ਕ੍ਰਿਸਮਿਸ ਅਤੇ ਨਵੇਂ ਸਾਲ ‘ਤੇ, ਗੋਆ, ਮਨਾਲੀ, ਲੱਦਾਖ, ਮਾਲਦੀਵ ਅਤੇ ਮਾਰੀਸ਼ਸ ਵਰਗੇ ਪਸੰਦੀਦਾ ਸੈਰ-ਸਪਾਟਾ ਸਥਾਨਾਂ ਲਈ ਬੁਕਿੰਗ ਪਿਛਲੇ ਸਾਲ ਦੇ ਮੁਕਾਬਲੇ 45-55% ਵੱਧ ਗਈ ਹੈ।
ConfirmTickets ਦੇ ਸਹਿ-ਸੰਸਥਾਪਕ ਅਤੇ ਸੀਓਓ ਸ਼੍ਰੀਪਦ ਵੈਦਿਆ ਦੇ ਅਨੁਸਾਰ, ਸਰਦੀਆਂ ਦੀਆਂ ਛੁੱਟੀਆਂ ਲਈ ਗੋਆ ਅਤੇ ਪੁਡੂਚੇਰੀ ਲਈ ਟਿਕਟਾਂ ਦੀ ਬੁਕਿੰਗ ਵਿੱਚ 50% ਦਾ ਵਾਧਾ ਹੋਇਆ ਹੈ। ਮੁੰਬਈ-ਕੋਲਕਾਤਾ ਅਤੇ ਦਿੱਲੀ ਲਈ ਬੁਕਿੰਗ ‘ਚ 15%-20% ਦਾ ਵਾਧਾ ਹੋਇਆ ਹੈ। MakeMyTrip ਦੇ ਸੀਓਓ ਵਿਪੁਲ ਪ੍ਰਕਾਸ਼ ਮੁਤਾਬਕ ਕ੍ਰਿਸਮਸ ਅਤੇ ਨਵੇਂ ਸਾਲ ਤੋਂ ਬਾਅਦ ਵੀ ਬੁਕਿੰਗ ‘ਚ ਕਮੀ ਆਉਣ ਦੀ ਕੋਈ ਸੰਭਾਵਨਾ ਨਹੀਂ ਹੈ।
ਇਕ ਰਿਪੋਰਟ ਮੁਤਾਬਿਕ ਟੂਰ ਅਤੇ ਟ੍ਰੈਵਲ ਇੰਡਸਟਰੀ ਦੇ ਇਸ ਸਾਲ ਦੇ ਅੰਤ ਤੱਕ 1.23 ਲੱਖ ਕਰੋੜ ਰੁਪਏ ਤੱਕ ਪਹੁੰਚਣ ਦੀ ਉਮੀਦ ਹੈ, ਕਿਉਂਕਿ ਯਾਤਰਾ ਭਾਵਨਾ ਸਭ ਤੋਂ ਉੱਚੇ ਪੱਧਰ ‘ਤੇ ਹੈ। ਇਸ ‘ਚ ਪੈਕੇਜਡ ਟੂਰ ਦੀ ਹਿੱਸੇਦਾਰੀ ਕਰੀਬ 55 ਹਜ਼ਾਰ ਕਰੋੜ ਰੁਪਏ ਹੋਵੇਗੀ।