ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦਾ ਪਰਿਵਾਰ ਵਾਰਾਣਸੀ ਪੁਹੰਚ ਗਿਆ ਹੈ ਜਾਣਕਾਰੀ ਮੁਤਾਬਿਕ ਸ਼ਾਹ ਪਰਿਵਾਰ ਵਾਰਾਣਸੀ ‘ਚ ਕਾਸ਼ੀ ਵਿਸ਼ਵਨਾਥ ਮੰਦਰ ਦੇ ਨਾਲ-ਨਾਲ ਹੋਰ ਵੱਡੇ ਮੰਦਰਾਂ ‘ਚ ਪੂਜਾ ਕਰੇਗਾ। ਅਮਿਤ ਸ਼ਾਹ ਸੋਮਵਾਰ ਸ਼ਾਮ ਨੂੰ ਵਾਰਾਣਸੀ ਦਾ ਦੌਰਾ ਕਰਨ ਜਾ ਰਹੇ ਹਨ। ਮੰਗਲਵਾਰ ਦੁਪਹਿਰ ਤਕ ਸ਼ਾਹ ਪਰਿਵਾਰ ਵਾਰਾਣਸੀ ਹਵਾਈ ਅੱਡੇ ਤੋਂ ਚਾਰਟਰ ਜਹਾਜ਼ ਰਾਹੀਂ ਦਿੱਲੀ ਲਈ ਰਵਾਨਾ ਹੋਣਗੇ।
ਦਸ ਦਈਏ ਕਿ ਵਾਰਾਣਸੀ ਪੁਹੰਚੇ ਸ਼ਾਹ ਪਰਿਵਾਰ ‘ਚ ਗ੍ਰਹਿ ਮੰਤਰੀ ਦਾ ਪੁੱਤਰ ਅਤੇ ਬੀਸੀਸੀਆਈ ਸਕੱਤਰ ਜੈ ਸ਼ਾਹ ਪਤਨੀ ਰਿਸ਼ਿਤਾ ਸ਼ਾਹ, ਮਾਂ ਸੋਨਲ ਸ਼ਾਹ ਭਾਣਜਾ ਅਤੇ ਭਾਣਜੀ ਸ਼ਾਮਿਲ ਨ ਜੋ ਕਿ ਚਾਰਟਰ ਜਹਾਜ਼ ਰਾਹੀਂ ਵਾਰਾਨਸੀ ਹਵਾਈ ਅੱਡੇ ‘ਤੇ ਪਹੁੰਚੇ। ਇੱਥੇ ਭਾਜਪਾ ਆਗੂਆਂ ਤੇ ਵਰਕਰਾਂ ਵੱਲੋਂ ਉਨ੍ਹਾਂ ਦਾ ਸਵਾਗਤ ਕੀਤਾ ਗਿਆ।
ਭਾਰਤੀ ਜਨਤਾ ਪਾਰਟੀ ਕਿਸਾਨ ਮੋਰਚਾ ਦੇ ਸੂਬਾ ਮੀਡੀਆ ਇੰਚਾਰਜ ਸ਼ੈਲੇਸ਼ ਪਾਂਡੇ ਨੇ ਦੱਸਿਆ ਕਿ ਗ੍ਰਹਿ ਮੰਤਰੀ ਦਾ ਪਰਿਵਾਰ ਪੂਜਾ ਕਰਨ ਲਈ ਵਾਰਾਣਸੀ ਆਇਆ ਹੈ। ਗ੍ਰਹਿ ਮੰਤਰੀ ਦੇ ਆਉਣ ਤੋਂ ਬਾਅਦ ਪਰਿਵਾਰ ਦੇ ਸਾਰੇ ਮੈਂਬਰ ਉਨ੍ਹਾਂ ਨਾਲ ਗੰਗਾ ਆਰਤੀ ‘ਚ ਸ਼ਾਮਲ ਹੋਣਗੇ।