ਦੁਨੀਆ ਦੇ ਦੂਜੇ ਸਭ ਤੋਂ ਅਮੀਰ ਵਿਅਕਤੀ ਜੇਫ ਬੇਜੋਸ ਆਪਣੀ ਵਿਲੱਖਣ ਜੀਵਨ ਸ਼ੈਲੀ ਲਈ ਜਾਣੇ ਜਾਂਦੇ ਹਨ। ਦੁਨੀਆ ਦੀ ਦਿੱਗਜ ਈ-ਕਾਮਰਸ ਕੰਪਨੀ ਐਮਾਜ਼ਾਨ ਦੇ ਸੰਸਥਾਪਕ ਜੈਫ ਬੇਜੋਸ ਦੇ ਸੁਪਰ ਯਾਟ ਨੂੰ ਰਾਹ ਦੇਣ ਲਈ ਨੀਦਰਲੈਂਡ ਦੇ ਇਤਿਹਾਸਕ ਕੋਨਿੰਗਹਾਵਨ ਬ੍ਰਿਜ ਨੂੰ ਢਾਹ ਦਿੱਤਾ ਜਾਵੇਗਾ। ਹਾਲਾਂਕਿ ਪੁਲ ਨੂੰ ਅਸਥਾਈ ਤੌਰ ‘ਤੇ ਹੀ ਢਾਹਿਆ ਜਾਵੇਗਾ।
ਬੇਜੋਸ ਦੀ 3 ਹਜ਼ਾਰ 630 ਕਰੋੜ ਰੁਪਏ ਦੀ 40 ਮੀਟਰ ਉੱਚੀ ਯਾਟ ਪੁਲ ਦੇ ਹੇਠਾਂ ਤੋਂ ਨਹੀਂ ਲੰਘ ਸਕੇਗੀ। ਇਸ ਕਾਰਨ ਸਟੀਲ ਨਾਲ ਬਣੇ ਪੁਲ ਦੇ ਵਿਚਕਾਰਲੇ ਹਿੱਸੇ ਨੂੰ ਹਟਾ ਦਿੱਤਾ ਜਾਵੇਗਾ। ਰੋਟਰਡਮ ਦੇ ਮੇਅਰ ਨੇ ਦੱਸਿਆ – ਇਹ ਸਮੁੰਦਰ ਦਾ ਇੱਕੋ ਇੱਕ ਰਸਤਾ ਹੈ ਅਤੇ ਇਸ ਪੁਲ ਨੂੰ ਹਟਾਉਣ ਲਈ ਜੋ ਵੀ ਖਰਚਾ ਆਵੇਗਾ, ਬੇਜੋਸ ਇਸ ਦਾ ਭੁਗਤਾਨ ਵੀ ਕਰਨਗੇ। ਹਾਲਾਂਕਿ ਕਈ ਲੋਕ ਇਸ ਪੁਲ ਨੂੰ ਢਾਹੁਣ ਦਾ ਵਿਰੋਧ ਵੀ ਕਰ ਰਹੇ ਹਨ।
ਡੱਚ ਮੀਡੀਆ ਅਨੁਸਾਰ, ਨਗਰ ਨਿਗਮ ਨੇ ਕਿਹਾ ਹੈ ਕਿ ਬੇਜੋਸ ਦੀ ਕਿਸ਼ਤੀ ਨੂੰ ਰਸਤਾ ਦੇਣ ਲਈ ਜੋ ਨਿਰਮਾਣ ਕੀਤਾ ਜਾਵੇਗਾ, ਉਸ ਨਾਲ ਨਾ ਸਿਰਫ ਵਿੱਤੀ ਤੌਰ ‘ਤੇ ਲਾਭ ਹੋਵੇਗਾ, ਸਗੋਂ ਨਵੀਆਂ ਨੌਕਰੀਆਂ ਵੀ ਪੈਦਾ ਹੋਣਗੀਆਂ। ਯਾਟ ਦੇ ਲੰਘਣ ਤੋਂ ਬਾਅਦ ਪੁਲ ਨੂੰ ਪਹਿਲਾਂ ਵਾਂਗ ਹੀ ਬਣਾ ਦਿੱਤਾ ਜਾਵੇਗਾ।