ਭਾਰਤ ਦੇ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਸ਼ਨੀਵਾਰ ਨੂੰ ਲੰਡਨ ‘ਚ ਮੁਸੀਬਤ ‘ਚ ਫਸ ਗਏ। ਜਦੋਂ ਉਹ ਸੈਰ ਲਈ ਬਾਹਰ ਨਿਕਲੇ ਤਾਂ ਭਾਰਤੀ ਪ੍ਰਸ਼ੰਸਕਾਂ ਨੇ ਉਨ੍ਹਾਂ ਨੂੰ ਸੜਕ ‘ਤੇ ਘੇਰ ਲਿਆ। ਉਹ ਧੋਨੀ ਨਾਲ ਸੈਲਫੀ ਲੈਣਾ ਚਾਹੰਦਾ ਸੀ। ਧੋਨੀ ਹੈਰਾਨ ਰਹਿ ਗਏ ਅਤੇ ਉਨ੍ਹਾਂ ਦੇ ਹੱਥੋਂ ਸਾਮਾਨ ਡਿੱਗ ਗਿਆ। ਮਾਹੀ ਨੇ ਭੀੜ ਨੂੰ ਰੋਕ ਕੇ ਸਮਾਨ ਚੁਕਿਆ । ਮੁਸੀਬਤ ਵਧਦੀ ਦੇਖ ਕੇ ਸੁਰੱਖਿਆ ਕਰਮਚਾਰੀਆਂ ਨੇ ਧੋਨੀ ਦਾ ਸਾਥ ਦਿੱਤਾ ਅਤੇ ਸੁਰੱਖਿਅਤ ਕਾਰ ਤੱਕ ਪਹੁੰਚਾਇਆ। ਇਸ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ।
ਟੀਮ ਇੰਡੀਆ ਦੇ ਦੋ ਵੱਡੇ ਸਟਾਰ ਮਹਿੰਦਰ ਸਿੰਘ ਧੋਨੀ ਅਤੇ ਸੁਰੇਸ਼ ਰੈਨਾ ਲੰਡਨ ‘ਚ ਮੈਚ ਦੇਖਣ ਲਈ ਇਕੱਠੇ ਹੋਏ ਸਨ। ਇੰਗਲੈਂਡ ਵਿੱਚ ਇਸ ਸਮੇਂ ਕਈ ਮਹਾਨ ਖਿਡਾਰੀ ਮੌਜੂਦ ਹਨ। ਭਾਰਤ-ਇੰਗਲੈਂਡ ਸੀਰੀਜ਼ ਦਾ ਮੈਚ ਦੇਖਣ ਹਰਭਜਨ ਸਿੰਘ, ਸੌਰਵ ਗਾਂਗੁਲੀ ਅਤੇ ਸਚਿਨ ਤੇਂਦੁਲਕਰ ਵੀ ਪਹੁੰਚੇ।
ਧੋਨੀ ਫਿਲਹਾਲ ਲੰਡਨ ‘ਚ ਹਨ। ਉਹ ਭਾਰਤ ਅਤੇ ਇੰਗਲੈਂਡ ਵਿਚਾਲੇ ਲਾਰਡਸ ‘ਚ ਖੇਡਿਆ ਗਿਆ ਦੂਜਾ ਵਨਡੇ ਦੇਖਣ ਵੀ ਆਏ ਸੀ। ਦੋਵਾਂ ਟੀਮਾਂ ਵਿਚਾਲੇ ਟੀ-20 ਸੀਰੀਜ਼ ਤੋਂ ਬਾਅਦ ਵਨਡੇ ਸੀਰੀਜ਼ ਦੇ ਦੋ ਮੈਚ ਖੇਡੇ ਗਏ ਹਨ।
ਮਾਹੀ ਨੇ 7 ਜੁਲਾਈ ਨੂੰ ਲੰਡਨ ‘ਚ ਹੀ ਆਪਣਾ 41ਵਾਂ ਜਨਮਦਿਨ ਸੈਲੀਬ੍ਰੇਟ ਕੀਤਾ ਸੀ। ਇਸ ਤੋਂ ਬਾਅਦ ਵਿੰਬਲਡਨ ਮੈਚ ਦੇਖਣ ਆਏ। ਧੋਨੀ ਦੀ ਪਤਨੀ ਸਾਕਸ਼ੀ ਨੇ ਸੋਸ਼ਲ ਮੀਡੀਆ ‘ਤੇ ਜਨਮਦਿਨ ਦੇ ਜਸ਼ਨ ਦੀਆਂ ਵੀਡੀਓ-ਫੋਟੋਆਂ ਪੋਸਟ ਕੀਤੀਆਂ ਹਨ। ਫੋਟੋ ‘ਚ ਟੀਮ ਇੰਡੀਆ ਦੇ ਵਿਕਟਕੀਪਰ ਬੱਲੇਬਾਜ਼ ਰਿਸ਼ਭ ਪੰਤ ਵੀ ਨਜ਼ਰ ਆਏ।
