ਆਸਟ੍ਰੇਲੀਆ ਦੇ ਮਹਾਨ ਸਪਿਨਰ ਸ਼ੇਨ ਵਾਰਨ ਦੀ ਸ਼ੁੱਕਰਵਾਰ ਨੂੰ 52 ਸਾਲ ਦੀ ਉਮਰ ‘ਚ ਥਾਈਲੈਂਡ ‘ਚ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ। ਸ਼ੇਨ ਵਾਰਨ ਵੀ ਆਪਣੀ ਸ਼ਾਨਦਾਰ ਗੇਂਦਬਾਜ਼ੀ ਅਤੇ ਆਪਣੀ ਜੀਵਨ ਸ਼ੈਲੀ ਕਾਰਨ ਪੂਰੀ ਦੁਨੀਆ ‘ਚ ਮਸ਼ਹੂਰ ਸਨ। ਸ਼ੇਨ ਵਾਰਨ ਆਪਣੀ ਜਾਦੂਈ ਗੇਂਦਬਾਜ਼ੀ ਨਾਲ ਆਪਣੇ ਬੇਮਿਸਾਲ ਅੰਦਾਜ਼ ਕਾਰਨ ਸੁਰਖੀਆਂ ‘ਚ ਰਹੇ ਸਨ। ਸਾਲ 2011 ‘ਚ ਆਈਪੀਐੱਲ ਮੈਚ ਦੌਰਾਨ ਵਾਰਨ ਨੇ ਆਪਣੀ ਮਹਿਲਾ ਦੋਸਤ ਲਿਜ਼ ਹਰਲੇ ਨੂੰ ਮੈਦਾਨ ‘ਚ ਹੀ ਕਿੱਸ ਕਰ ਦਿੱਤਾ ਸੀ। ਜਿਸ ਲਈ ਸ਼ੇਨ ਵਾਰਨ ਦੀ ਕਾਫੀ ਆਲੋਚਨਾ ਹੋਈ ਸੀ।
ਇਨਾ ਹੀ ਨਹੀਂ ਔਰਤਾਂ ਵਿੱਚ ਉਸਦੀ ਦਿਲਚਸਪੀ ਦੀਆਂ ਕਹਾਣੀਆਂ ਮੀਡੀਆ ਵਿੱਚ ਬਹੁਤ ਛਾਈਆਂ ਰਹੀਆਂ। ਬ੍ਰਿਟਿਸ਼-ਆਸਟ੍ਰੇਲੀਅਨ ਪੱਤਰਕਾਰ ਪਾਲ ਬੈਰੀ (ਪਾਲ ਬੈਰੀ ਬੁੱਕ ਸਪਨ ਆਉਟ) ਨੇ ਇਸ ਮਹਾਨ ਆਸਟ੍ਰੇਲੀਆਈ ਕ੍ਰਿਕਟਰ ਦੇ ਮੂਡ ਅਤੇ ਜੀਵਨ ‘ਤੇ ਇੱਕ ਪੂਰੀ ਕਿਤਾਬ ਲਿਖੀ ਸੀ। ਉਸ ਨੇ ਦਾਅਵਾ ਕੀਤਾ ਕਿ ਵਾਰਨ ਨੇ ਕਰੀਬ 1000 ਔਰਤਾਂ ਨਾਲ ਸਬੰਧ ਬਣਾਏ ਹਨ।
ਬੈਰੀ ਨੇ ਆਪਣੀ 2006 ਦੀ ਕਿਤਾਬ ‘ਸਪੂਨ ਆਊਟ’ ‘ਚ ਲਿਖਿਆ, ‘ਸ਼ੇਨ ਵਾਰਨ 1000 ਔਰਤਾਂ ਨਾਲ ਸਰੀਰਕ ਸੰਬੰਧ ਬਣਾ ਚਕੇ ਹਨ । ਹਾਲਾਂਕਿ ਉਹ ਸਿਰਫ 5 ਵਾਰ ਹੀ ਫੜਿਆ ਗਿਆ ਸੀ। ਉਸਨੇ ਸ਼ੇਨ ਵਾਰਨ ਦੇ ਇੱਕ ਨਜ਼ਦੀਕੀ (ਨਾਮ ਦਾ ਜ਼ਿਕਰ ਨਹੀਂ ਕੀਤਾ) ਦਾ ਹਵਾਲਾ ਦਿੰਦੇ ਹੋਏ ਦਾਅਵਾ ਕੀਤਾ ਕਿ ਵਾਰਨ ਦੇ ਦੋਸਤ ਨੇ ਉਸਨੂੰ ਦੱਸਿਆ ਕਿ ਮਹਾਨ ਸਪਿਨਰ 1000 ਔਰਤਾਂ ਨਾਲ ਰਹਿ ਚੁਕਿਆ ਸੀ, ਪਰ ਪੰਜ ਵਾਰ ਹੀ ਫੜਿਆ ਗਿਆ ਸੀ।
ਜਦੋਂ ਸ਼ੇਨ ਵਾਰਨ ਦੇ ਭਰਾ ਅਤੇ ਮੈਨੇਜਰ ਜੇਸਨ ਨੂੰ ਇਨ੍ਹਾਂ ਦਾਅਵਿਆਂ ਬਾਰੇ ਪਤਾ ਲੱਗਿਆ ਤਾ ਉਨ੍ਹਾਂ ਨੇ ਕਿਹਾ, ‘ਮੈਂ ਨਹੀਂ ਸੋਚਿਆ ਸੀ ਕਿ ਕਿਤਾਬ ਵਿਚ ਕੁਝ ਨਵਾਂ ਹੋਵੇਗਾ।’ ਉਸ ਦਾ ਮਤਲਬ ਸੀ ਕੁਝ ਅਜਿਹਾ ਜੋ ਉਸ ਨੂੰ ਖੁਦ ਵੀ ਨਹੀਂ ਪਤਾ ਹੋਵੇਗਾ।