ਭਾਰਤੀ ਟੀਮ ਦੇ ਸਾਬਕਾ ਆਲਰਾਊਂਡਰ ਖਿਡਾਰੀ ਇਰਫਾਨ ਪਠਾਨ ਸੁਰਖੀਆਂ ‘ਚ ਬਣੇ ਹੋਏ ਹਨ। ਇਰਫਾਨ ਪਠਾਨ 4 ਫਰਵਰੀ ਯਾਨੀ ਅੱਜ (ਐਤਵਾਰ) ਨੂੰ ਆਪਣੇ ਵਿਆਹ ਦੀ 8ਵੀਂ ਵਰ੍ਹੇਗੰਢ ਮਨਾ ਰਹੇ ਹਨ। ਸੋਸ਼ਲ ਮੀਡੀਆ ‘ਤੇ ਇਰਫਾਨ ਪਠਾਨ ਨੂੰ ਲੈ ਕੇ ਪ੍ਰਸ਼ੰਸਕ ਲਗਾਤਾਰ ਆਪਣੀਆਂ ਪ੍ਰਤੀਕਿਰਿਆਵਾਂ ਜ਼ਾਹਰ ਕਰ ਰਹੇ ਹਨ। ਕ੍ਰਿਕਟ ਪ੍ਰਸ਼ੰਸਕ ਇਰਫਾਨ ਪਠਾਨ ਨੂੰ ਉਸ ਦੀ 8ਵੀਂ ਵਰ੍ਹੇਗੰਢ ‘ਤੇ ਵਧਾਈ ਦੇ ਰਹੇ ਹਨ।
ਆਪਣੀ ਵਰ੍ਹੇਗੰਢ ਮੌਕੇ ਇਰਫਾਨ ਪਠਾਨ ਨੇ ਆਪਣੀ ਪਤਨੀ ਦੀ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀ ਹੈ। 8 ਸਾਲ ਬਾਅਦ ਇਰਫਾਨ ਪਠਾਨ ਨੇ ਪ੍ਰਸ਼ੰਸਕਾਂ ਨੂੰ ਆਪਣੀ ਪਤਨੀ ਦਾ ਚਿਹਰਾ ਦਿਖਾਇਆ ਹੈ। ਇਸ ਤੋਂ ਪਹਿਲਾਂ ਵੀ ਇਰਫਾਨ ਪਠਾਨ ਆਪਣੀ ਪਤਨੀ ਸਫਾ ਬੇਗ ਨਾਲ ਕਈ ਤਸਵੀਰਾਂ ਸ਼ੇਅਰ ਕਰ ਚੁੱਕੇ ਹਨ। ਪਰ ਇਸ ਦੌਰਾਨ ਸਫਾ ਦਾ ਚਿਹਰਾ ਅਕਸਰ ਛੁਪਿਆ ਰਹਿੰਦਾ ਸੀ। ਹੁਣ ਤੱਕ ਉਹ ਜਾਂ ਤਾਂ ਬੁਰਕੇ ਨਾਲ ਜਾਂ ਆਪਣਾ ਹੱਥ ਰੱਖਕੇ ਆਪਣਾ ਚਿਹਰਾ ਲੁਕਾਉਂਦੀ ਨਜ਼ਰ ਆ ਰਹੀ ਸੀ। ਪਰ ਇਰਫਾਨ ਪਠਾਨ ਨੇ ਆਪਣੇ ਵਿਆਹ ਦੀ 8ਵੀਂ ਵਰ੍ਹੇਗੰਢ ਦੇ ਮੌਕੇ ‘ਤੇ ਆਪਣੀ ਪਤਨੀ ਦੀ ਇਕ ਖੂਬਸੂਰਤ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਪੋਸਟ ਕੀਤੀ ਹੈ। ਦੱਸ ਦੇਈਏ ਕਿ ਸਫਾ ਇੱਕ ਮਾਡਲ ਸੀ। ਪਰ ਇਰਫਾਨ ਪਠਾਨ ਨਾਲ ਵਿਆਹ ਤੋਂ ਬਾਅਦ ਉਸਨੇ ਮਾਡਲਿੰਗ ਦੀ ਦੁਨੀਆ ਛੱਡ ਦਿੱਤੀ।
ਇਰਫਾਨ ਪਠਾਨ ਨੇ 2016 ਵਿੱਚ ਦੁਬਈ ਵਿੱਚ ਸਫਾ ਬੇਗ ਨਾਲ ਵਿਆਹ ਕੀਤਾ ਸੀ। ਸਫਾ ਦਾ ਜਨਮ 28 ਫਰਵਰੀ 1994 ਨੂੰ ਸਾਊਦੀ ਅਰਬ ‘ਚ ਹੋਇਆ ਸੀ। ਜਿਸ ਤੋਂ ਬਾਅਦ ਉਸਨੇ ਮਾਡਲਿੰਗ ਵਿੱਚ ਆਪਣਾ ਕਰੀਅਰ ਬਣਾਇਆ। ਸਫਾ ਦੇ ਮਾਤਾ-ਪਿਤਾ ਨੇ ਵੀ ਉਸ ਦੇ ਕਰੀਅਰ ਨੂੰ ਅੱਗੇ ਵਧਾਉਣ ਵਿਚ ਉਸ ਦਾ ਸਾਥ ਦਿੱਤਾ। ਪਰ 2016 ਵਿੱਚ ਇਰਫਾਨ ਪਠਾਨ ਨਾਲ ਵਿਆਹ ਕਰਨ ਤੋਂ ਬਾਅਦ, ਸਫਾ ਬੇਗ ਨੇ ਆਪਣਾ ਮਾਡਲਿੰਗ ਕਰੀਅਰ ਛੱਡ ਦਿੱਤਾ ਅਤੇ ਇੱਕ ਘਰੇਲੂ ਔਰਤ ਬਣ ਗਈ। ਤੁਹਾਨੂੰ ਦੱਸ ਦੇਈਏ ਕਿ ਪਠਾਨ ਦੇ ਦੋ ਬੇਟੇ ਵੀ ਹਨ।
ਸਫਾ ਬੇਗ ਦਿੱਖ ‘ਚ ਬੇਹੱਦ ਖੂਬਸੂਰਤ ਹੈ। ਸੋਸ਼ਲ ਮੀਡੀਆ ‘ਤੇ ਉਸ ਦੀ ਖੂਬਸੂਰਤੀ ਦੇਖ ਕੇ ਫੈਨਜ਼ ਦੀਵਾਨਾ ਹੋ ਰਹੇ ਹਨ। ਉਹ ਲਗਾਤਾਰ ਸਫਾ ਬੇਗ ਦੀ ਖੂਬਸੂਰਤੀ ਦੀ ਤਾਰੀਫ ਕਰ ਰਹੇ ਹਨ। ਸਫਾ ਬੇਗ ਆਪਣੀ ਖੂਬਸੂਰਤੀ ਨਾਲ ਵੱਡੀਆਂ-ਵੱਡੀਆਂ ਅਭਿਨੇਤਰੀਆਂ ਨੂੰ ਮੁਕਾਬਲਾ ਦੇ ਰਹੀ ਹੈ।
ਇਰਫਾਨ ਨੇ ਵਿਆਹ ਦੀ 8ਵੀਂ ਵਰ੍ਹੇਗੰਢ ‘ਤੇ ਪਿਆਰ ਭਰਿਆ ਸੰਦੇਸ਼ ਲਿਖਦੇ ਹੋਏ ਪਤਨੀ ਸਫਾ ਨਾਲ ਤਸਵੀਰ ਸ਼ੇਅਰ ਕੀਤੀ ਹੈ। ਉਨ੍ਹਾਂ ਨੇ ਤਸਵੀਰ ਦੇ ਨਾਲ ਲਿਖਿਆ। ਇੱਕ ਹੀ ਸ਼ਖਸ ਵੱਲੋਂ ਕਿੰਨੀਆਂ ਸਾਰੀਆਂ ਭੂਮਿਕਾ ਨੂੰ ਨਿਬਾਉਣ ਦੀ ਕਲਾ ਵਿੱਚ ਮੁਹਾਰਤ ਰੱਖਣ ਵਾਲੀ ਇਹ ਸ਼ਖਸੀਅਤ ਹੈ। ਮੂਡ ਵਿੱਚ ਬਿਹਤਰ ਕਰਨ ਵਾਲੀ, ਕਾਮੇਡੀਅਨ, ਟ੍ਰਬਲਮੇਕਰ, ਹਰ ਸਥਿਤੀ ਵਿੱਚ ਸਾਥ ਦੇਣ ਵਾਲੀ, ਦੋਸਤ, ਮੇਰੇ ਬੱਚਿਆਂ ਦੀ ਮਾਂ, ਆਪਣੀ ਜ਼ਿੰਦਗੀ ਦੇ ਬਿਹਤਰੀਨ ਸਫਰ ਵਿੱਚ ਤੁਹਾਨੂੰ ਨਾਲ ਪਾਇਆ ਮੇਰੀ ਪਤਨੀ ਵਾਂਗ। ਵਿਆਹ ਦੀ 8ਵੀਂ ਵਰ੍ਹੇਗੰਢ ਮੁਬਾਰਕ ਹੋਵੇ।
