ਜੇਕਰ ਤੁਸੀਂ ਛੁੱਟੀਆਂ ਵਿਚ ਕੀਤੇ ਘੁੰਮਣ ਦਾ ਪਲਾਨ ਬਣਾ ਰਹੇ ਹੋ, ਤਾਂ ਅਸੀਂ ਤੁਹਾਨੂੰ ਅਜਿਹੀਆਂ ਥਾਵਾਂ ਬਾਰੇ ਦੱਸ ਰਹੇ ਹਾਂ, ਜਿੱਥੇ ਗਰਮੀਆਂ ਦੇ ਮੌਸਮ ‘ਚ ਵੀ ਤੁਸੀਂ ਆਨੰਦ ਲੈ ਸਕਦੇ ਹੋ। ਆਖਿਰ ਹਵਾ ਵਿੱਚ ਉੱਡਣ ਦਾ ਸ਼ੌਕ ਕਿਸ ਨੂੰ ਨਹੀਂ ਹੁੰਦਾ ਪਰ ਖੰਭਾਂ ਤੋਂ ਬਿਨਾਂ ਇਹ ਸੰਭਵ ਨਹੀਂ। ਫਿਰ ਵੀ ਤੁਸੀਂ ਪੈਰਾਗਲਾਈਡਿੰਗ ਕਰਕੇ ਗੁਬਾਰਿਆਂ ਨਾਲ ਉੱਡ ਸਕਦੇ ਹੋ ਅਤੇ ਹਵਾ ਵਿੱਚ ਉੱਡਣ ਦਾ ਸ਼ੌਕ ਪੂਰਾ ਕਰ ਸਕਦੇ ਹੋ। ਅੱਜਕਲ ਸੈਰ-ਸਪਾਟਾ ਸਥਾਨਾਂ ‘ਤੇ ਪੈਰਾਗਲਾਈਡਿੰਗ ਦਾ ਰੁਝਾਨ ਜ਼ੋਰਾਂ ‘ਤੇ ਹੈ। ਜੇਕਰ ਤੁਸੀਂ ਪੈਰਾਗਲਾਈਡਿੰਗ ਕਰਨ ਜਾ ਰਹੇ ਹੋ ਤਾਂ ਜਾਣੋ ਕਿਹੜੀ ਜਗ੍ਹਾ ਤੁਹਾਨੂੰ ਪੈਰਾਗਲਾਈਡਿੰਗ ਕਰਨੀ ਚਾਹੀਦੀ ਹੈ, ਤਾਂ ਕਿ ਤੁਹਾਡਾ ਮਜ਼ਾ ਦੁੱਗਣਾ ਹੋ ਜਾਵੇ।
ਜੋਧਪੁਰ, ਰਾਜਸਥਾਨ
ਰਾਜਸਥਾਨ ਦਾ ਜੋਧਪੁਰ ਸ਼ਹਿਰ ਆਪਣੇ ਸ਼ਾਹੀ ਮਹਿਲ ਦੀ ਸੁੰਦਰਤਾ ਲਈ ਪੂਰੀ ਦੁਨੀਆ ਵਿੱਚ ਮਸ਼ਹੂਰ ਹੈ। ਜੋਧਪੁਰ ਵਿਚ 1500 ਫੁੱਟ ਦੀ ਉਚਾਈ ‘ਤੇ ਪੈਰਾਗਲਾਈਡਿੰਗ ਦਾ ਮਜ਼ਾ ਲਿਆ ਜਾ ਸਕਦਾ ਹੈ। ਰਾਜਸਥਾਨ ਦੀ ਗਰਮੀ ਤੋਂ ਬਾਅਦ ਅਸਮਾਨ ਦੀ ਉੱਚੀ ਹਵਾ ‘ਚ ਉੱਡਣ ਦਾ ਮਜ਼ਾ ਹੀ ਵੱਖਰਾ ਹੈ।
ਪੰਚਗਨੀ, ਮਹਾਰਾਸ਼ਟਰ
ਪੰਚਗਨੀ ਮਹਾਰਾਸ਼ਟਰ ਦਾ ਇੱਕ ਸੁੰਦਰ ਪਹਾੜੀ ਸਟੇਸ਼ਨ ਹੈ। ਇਹ ਜ਼ਮੀਨ ਤੋਂ 1200 ਮੀਟਰ ਦੀ ਉਚਾਈ ‘ਤੇ ਹੈ। ਪੰਚਗਨੀ ਦਾ ਮੌਸਮ ਬਹੁਤ ਖੂਬਸੂਰਤ ਹੈ। ਜੇਕਰ ਤੁਸੀਂ ਪੈਰਾਗਲਾਈਡਿੰਗ ਦੇ ਸ਼ੌਕੀਨ ਹੋ ਤਾਂ ਪੰਚਗਨੀ ਜ਼ਰੂਰ ਜਾਣਾ ਚਾਹੀਦਾ ਹੈ।
ਵਾਗਾਮੋਨ, ਕੇਰਲਾ
ਪੈਰਾਗਲਾਈਡਿੰਗ ਲਈ ਵਾਗਾਮੋਨ ਸੈਲਾਨੀਆਂ ਦੀ ਪਸੰਦੀਦਾ ਥਾਂ ਹੈ। ਵਾਗਾਮੋਨ ਜ਼ਮੀਨ ਤੋਂ 3000 ਮੀਟਰ ਉੱਪਰ ਕੇਰਲ ਦਾ ਇੱਕ ਸੁੰਦਰ ਪਹਾੜੀ ਸਟੇਸ਼ਨ ਹੈ। ਸੁੰਦਰ ਕੁਦਰਤੀ ਨਜ਼ਾਰਿਆਂ ਦੇ ਵਿਚਕਾਰ ਇੱਥੇ ਪੈਰਾਗਲਾਈਡਿੰਗ ਦਾ ਮਜ਼ਾ ਹੀ ਵੱਖਰਾ ਹੈ। ਵਾਗਾਮੋਨ ਵਿੱਚ ਤੁਸੀਂ ਕਈ ਦਿਨ ਰਹਿ ਕੇ ਅਸਮਾਨ ਵਿੱਚ ਉੱਡਣ ਦਾ ਆਨੰਦ ਲੈ ਸਕਦੇ ਹੋ।
ਨੈਨੀਤਾਲ, ਉੱਤਰਾਖੰਡ
ਉਤਰਾਖੰਡ ਦਾ ਨੈਨੀਤਾਲ ਸੈਰ-ਸਪਾਟਾ ਲਈ ਮਸ਼ਹੂਰ ਹੈ। ਇੱਥੋਂ ਦੇ ਸੁੰਦਰ ਮੈਦਾਨਾਂ ਵਿੱਚ ਦੂਰ-ਦੂਰ ਤੋਂ ਸੈਲਾਨੀ ਆਉਂਦੇ ਹਨ। ਨੈਨੀਤਾਲ 2000 ਮੀਟਰ ਦੀ ਉਚਾਈ ‘ਤੇ ਹੈ, ਇੱਥੇ ਪੈਰਾਗਲਾਈਡਿੰਗ ਕਰਨ ਦਾ ਮਜ਼ਾ ਲਿਆ ਜਾ ਸਕਦਾ ਹੈ। ਨੈਨੀਤਾਲ ਵਿੱਚ ਪੈਰਾਗਲਾਈਡਿੰਗ ਦੀ ਚੰਗੀ ਸਹੂਲਤ ਹੈ।
ਬੀੜ ਬਿਲਿੰਗ, ਹਿਮਾਚਲ
ਹਿਮਾਚਲ ਪ੍ਰਦੇਸ਼ ਵਿੱਚ ਬੀੜ ਬਿਲਿੰਗ ਨੂੰ ਪੈਰਾਗਲਾਈਡਿੰਗ ਲਈ ਭਾਰਤ ਵਿੱਚ ਸਭ ਤੋਂ ਵਧੀਆ ਸਥਾਨ ਮੰਨਿਆ ਜਾਂਦਾ ਹੈ। ਇਹੀ ਕਾਰਨ ਹੈ ਕਿ ਇੱਥੇ ਪੈਰਾਗਲਾਈਡਿੰਗ ਆਪਰੇਟਰਾਂ ਦੀ ਬਹੁਤਾਤ ਹੈ ਜੋ ਛੋਟੇ, ਦਰਮਿਆਨੇ ਅਤੇ ਲੰਬੇ ਫਲਾਈਟ ਸੈਸ਼ਨ ਪ੍ਰਦਾਨ ਕਰਦੇ ਹਨ। ਬਿਲਿੰਗ ਟੇਕ-ਆਫ ਪੁਆਇੰਟ ਏਸ਼ੀਆ ਵਿੱਚ ਸਭ ਤੋਂ ਉੱਚਾ ਅਤੇ ਵਿਸ਼ਵ ਵਿੱਚ ਦੂਜਾ ਸਭ ਤੋਂ ਉੱਚਾ ਬਿੰਦੂ ਹੈ। ਜੋ ਕਿ ਸਮੁੰਦਰ ਤਲ ਤੋਂ ਲਗਭਗ 8000 ਫੁੱਟ ਦੀ ਉਚਾਈ ‘ਤੇ ਹੈ ਅਤੇ ਲੈਂਡਿੰਗ ਲਗਭਗ 4000 ਫੁੱਟ ਹੈ। ਬੀੜ ਬਿਲਿੰਗ ਵਿੱਚ ਪੈਰਾਗਲਾਈਡਿੰਗ ਲਈ ਅਕਤੂਬਰ ਤੋਂ ਜੂਨ ਸਭ ਤੋਂ ਵਧੀਆ ਸਮਾਂ ਹੈ।
