ਮਹਾਰਾਜਾ ਐਕਸਪ੍ਰੈਸ ਦੁਨੀਆ ਦੀ ਸਭ ਤੋਂ ਮਹਿੰਗੀ ਅਤੇ ਲਗਜ਼ਰੀ ਟਰੇਨ ਹੈ ,ਜਿਸ ਵਿੱਚ ਹਰ ਤਰ੍ਹਾਂ ਦੀਆਂ ਆਧੁਨਿਕ ਸੁਖ -ਸਹੂਲਤਾਂ ਉਪਲੱਬਧ ਹਨ। ਇਸ ਨੂੰ ਚੱਲਦਾ ਫਿਰਦਾ ਫਾਈਵ ਸਟਾਰ ਹੋਟਲ ਵੀ ਕਿਹਾ ਜਾਂਦਾ ਹੈ। ਇਸ ਟ੍ਰੇਨ ਵਿਚ 74 ਸੀਟਾਂ ਹਨ, ਵੀਰਵਾਰ ਨੂੰ 70 ਤੋਂ ਜ਼ਿਆਦਾ ਯਾਤਰੀਆਂ ਨੇ ਆਪਣੀ ਯਾਤਰਾ ਸ਼ੁਰੂ ਕੀਤੀ। ਇਸ ਨੂੰ ਦੇਸ਼ ਦੀ ਸਭ ਤੋਂ ਜਿਆਦਾ ਸਹੂਲਤਾਂ ਦੇਣ ਵਾਲੀ ਟ੍ਰੇਨ ਵਿਚ ਗਿਣਿਆ ਜਾਂਦਾ ਹੈ। 4 ਦਿਨ ਅਤੇ 3 ਰਾਤਾਂ ਦੀ ਯਾਤਰਾ ‘ਚ ਯਾਤਰੀ ਦਿੱਲੀ ਤੋਂ ਆਗਰਾ, ਰਣਥੰਭੌਰ ਅਤੇ ਜੈਪੁਰ ਦੀ ਯਾਤਰਾ ਕਰਨਗੇ।
ਉਥੋਂ ਮੁੜ ਦਿੱਲੀ ਆ ਗਏ। ਇਨ੍ਹਾਂ ਯਾਤਰੀਆਂ ਦੀ ਦਿੱਲੀ ਵਾਪਸੀ 27 ਦਸੰਬਰ ਦੀ ਸਵੇਰ ਹੋਵੇਗੀ। ਹਾਲਾਂਕਿ ਇਸ ਰੂਟ ਤੋਂ ਇਲਾਵਾ ਮਹਾਰਾਜਾ ਐਕਸਪ੍ਰੈਸ ਕਈ ਹੋਰ ਰੂਟਾਂ ‘ਤੇ ਵੀ ਚੱਲਦੀ ਹੈ। ਮਹਾਰਾਜਾ ਐਕਸਪ੍ਰੈਸ ਦੇ ਇਸ ਸਾਲ ਤਿੰਨ ਹੋਰ ਟੂਰ ਪੈਕੇਜ ਹਨ।ਜੇਕਰ ਕਿਰਾਏ ਦੀ ਗੱਲ ਕਰੀਏ ਤਾਂ ਮਹਾਰਾਜਾ ਐਕਸਪ੍ਰੈਸ ਦੀ ਰੇਲ ਟਿਕਟ 2 ਲੱਖ ਤੋਂ 15 ਲੱਖ ਦੇ ਕਰੀਬ ਹੈ। ਮਹਾਰਾਜਾ ਐਕਸਪ੍ਰੈਸ ਵਿੱਚ 5 ਕਿਸਮ ਦੇ ਰੇਲ ਪੈਕੇਜ ਉਪਲਬਧ ਹਨ। ਮਹਾਰਾਜਾ ਐਕਸਪ੍ਰੈਸ ਦੇਸ਼ ਵਿੱਚ ਜਿੰਨੀ ਮਸ਼ਹੂਰ ਹੈ, ਦੁਨੀਆ ਵਿੱਚ ਵੀ ਓਨੀ ਹੀ ਮਸ਼ਹੂਰ ਹੈ।
ਮਹਾਰਾਜਾ ਐਕਸਪ੍ਰੈਸ ਟਰੇਨ ਨੂੰ ਸਾਲ 2017 ਵਿੱਚ ਦੁਨੀਆ ਦੀ ਸਭ ਤੋਂ ਲਗਜ਼ਰੀ ਟਰੇਨ ਦਾ ਐਵਾਰਡ ਮਿਲਿਆ ਹੈ। ਖਾਸ ਗੱਲ ਇਹ ਹੈ ਕਿ ਟਰੇਨ ‘ਚ ਸਫਰ ਕਰਨ ਵਾਲੇ ਯਾਤਰੀ ਆਪਣੀ ਪਸੰਦ ਦੇ ਰੈਸਟੋਰੈਂਟ ਜਾਂ ਭਾਰਤੀ ਰੇਲਵੇ ਦੀ ਕੰਟੀਨ ਤੋਂ ਖਾਣਾ ਮੰਗਵਾ ਸਕਦੇ ਹਨ। ਇਨ੍ਹਾਂ ਰੇਲਗੱਡੀਆਂ ਵਿੱਚ ਸੋਨੇ ਅਤੇ ਚਾਂਦੀ ਦੇ ਭਾਂਡਿਆਂ ਵਿੱਚ ਸ਼ਾਹੀ ਅੰਦਾਜ਼ ਵਿੱਚ ਭੋਜਨ ਪਰੋਸਿਆ ਜਾਂਦਾ ਹੈ।
