ਸੋਨਾ ਕਈ ਖ਼ਾਸ ਮੌਕਿਆਂ ‘ਤੇ ਖਰੀਦਿਆਂ ਜਾਂਦਾ ਹੈ ਪਰ ਕਈ ਵਾਰ ਸੋਨੇ ਵਿਚ ਗੜਬੜੀ ਪਾਈ ਜਾਂਦੀ ਹੈ। ਇਸ ਦੇ ਲਈ ਜ਼ਰੂਰੀ ਹੈ ਕਿ ਤੁਹਾਨੂੰ ਅਸੀ ਸੋਨੇ ਦੀ ਪਛਾਣ ਕਰਨ ਦੇ ਅਸਾਨ ਤਰੀਕੇ ਪਤਾ ਹੋਣ। ਆਓ ਅਸੀਂ ਤੁਹਾਨੂੰ ਸੋਨੇ ਦੀ ਅਸਲੀ ਪਛਾਣ ਕਰਨ ਵਾਲੇ ਤਰੀਕਿਆਂ ਬਾਰੇ ਜਾਣੂ ਕਰਵਾਉਂਦੇ ਹਾਂ।
ਚਿੱਟੇ ਰੰਗ ਦਾ ਸੈਰਾਮਿਕ ਥਾਲ ਲਵੋ। ਗਹਿਣੇ ਜਾਂ ਸੋਨਾ ਉਸ ਪਲੇਟ ਉੱਤੇ ਘਸਾਓ। ਜੇ ਉਸ ਥਾਲ਼ ਉੱਤੇ ਕਾਲੇ ਨਿਸ਼ਾਨ ਬਣਨ, ਤਾਂ ਤੁਹਾਡਾ ਸੋਨਾ ਨਕਲੀ ਹੈ ਤੇ ਜੇ ਹਲਕੇ ਸੁਨਹਿਰੀ ਰੰਗ ਦੇ ਪੈਣ, ਤਾਂ ਸੋਨਾ ਅਸਲੀ ਹੈ।
ਇੱਕ ਹੋਰ ਤਰੀਕਾ ਇਹ ਹੈ- ਇੱਕ ਡੂੰਘੇ ਬਰਤਨ ਵਿੱਚ ਦੋ ਗਿਲਾਸ ਪਾਣੀ ਲਓ ਤੇ ਸੋਨੇ ਦੇ ਗਹਿਣੇ ਉਸ ਪਾਣੀ ਵਿੱਚ ਰੱਖੋ। ਜੇ ਤੁਹਾਡਾ ਸੋਨਾ ਤੈਰਦਾ ਹੈ, ਤਾਂ ਉਹ ਅਸਲੀ ਨਹੀਂ ਹੈ; ਜੇ ਉਹ ਹੇਠਾਂ ਬੈਠ ਜਾਵੇ, ਤਾਂ ਅਸਲੀ ਹੈ।
ਤੁਸੀਂ ਆਪਣੇ ਪਸੀਨੇ ਨਾਲ ਵੀ ਸੋਨਾ ਟੈਸਟ ਕਰ ਸਕਦੇ ਹੋ। ਤੁਸੀਂ ਮਹਿਸੂਸ ਕੀਤਾ ਹੋਵੇਗਾ ਕਿ ਜਦੋਂ ਵੀ ਇੱਕ ਜਾਂ ਦੋ ਜਾਂ ਪੰਜ ਰੁਪਏ ਦੇ ਸਿੱਕੇ ਪਸੀਨੇ ਨਾਲ ਭਿੱਜ ਜਾਂਦੇ ਹਨ, ਤਾਂ ਉਨ੍ਹਾਂ ’ਚੋਂ ਅਜੀਬ ਜਿਹੀ ਬੋਅ ਆਉਦੀ ਹੈ ਪਰ ਖਰੇ ਸੋਨੇ ’ਚੋਂ ਪਸੀਨੇ ਦੀ ਬੋਅ ਕਦੇ ਨਹੀਂ ਆਉਂਦੀ।
