RBI ਨੇ ਅੱਜ ਯਾਨੀ 1 ਨਵੰਬਰ ਨੂੰ ਦੇਸ਼ ਦੀ ਪਹਿਲੀ ਡਿਜੀਟਲ ਕਰੰਸੀ ਲਾਂਚ ਕੀਤੀ। ਵਰਤਮਾਨ ਵਿੱਚ ਸੇਂਟਰਲ ਬੈਂਕ ਡਿਜੀਟਲ ਕਰੰਸੀ (CBDC) ਇੱਕ ਪਾਇਲਟ ਪ੍ਰੋਜੈਕਟ ਦੇ ਤਹਿਤ ਜਾਰੀ ਕੀਤੀ ਗਈ ਹੈ। ਨੌਂ ਬੈਂਕਾਂ ਨੂੰ ਨਵੀਂ ਡਿਜੀਟਲ ਕਰੰਸੀ ਜਾਂ ਕੇਂਦਰੀ ਬੈਂਕ ਡਿਜੀਟਲ ਕਰੰਸੀ ‘ਸੀਬੀਡੀਸੀ’ ਲਈ ਇਸਦੀ ਵਰਤੋਂ ਕਰਨ ਦੀ ਇਜਾਜ਼ਤ ਦਿੱਤੀ ਗਈ ਹੈ, ਜਿਸ ਵਿੱਚ ਐਸਬੀਆਈ, ਬੈਂਕ ਆਫ ਬੜੋਦਾ, ਆਈਸੀਆਈਸੀਆਈ, ਐਚਡੀਐਫਸੀ ਬੈਂਕ, ਕੋਟਕ ਬੈਂਕ, ਯੈੱਸ ਬੈਂਕ, IDFC ਬੈਂਕ, ਯੂਨੀਅਨ ਬੈਂਕ (UNION ਬੈਂਕ) ਸ਼ਾਮਿਲ ਹਨ।
ਡਿਜੀਟਲ ਮੁਦਰਾ ਦੀਆਂ ਦੋ ਕਿਸਮਾਂ ਹਨ – ਸੀਬੀਡੀਸੀ-ਹੋਲਸੇਲ ਅਤੇ ਸੀਬੀਡੀਸੀ- ਰਿਟੇਲ। 1 ਨਵੰਬਰ ਤੋਂ ਜਾਰੀ ਕੀਤੀ ਗਈ ਡਿਜੀਟਲ ਮੁਦਰਾ CBDC ਹੋਲਸੇਲ ਹੈ। ਇਸਦੀ ਵਰਤੋਂ ਬੈਂਕਾਂ, ਵੱਡੀਆਂ ਗੈਰ-ਬੈਂਕਿੰਗ ਵਿੱਤੀ ਕੰਪਨੀਆਂ ਅਤੇ ਹੋਰ ਵੱਡੀਆਂ ਲੈਣ-ਦੇਣ ਵਾਲੀਆਂ ਸੰਸਥਾਵਾਂ ਸਮੇਤ ਵੱਡੀਆਂ ਵਿੱਤੀ ਸੰਸਥਾਵਾਂ ਦੁਆਰਾ ਕੀਤੀ ਜਾਵੇਗੀ। ਇਸ ਤੋਂ ਬਾਅਦ ਸੀਬੀਡੀਸੀ ਰਿਟੇਲ ਜਾਰੀ ਕੀਤਾ ਜਾਵੇਗਾ। ਲੋਕ ਰੋਜ਼ਾਨਾ ਦੇ ਲੈਣ-ਦੇਣ ਲਈ ਇਸ ਦੀ ਵਰਤੋਂ ਕਰ ਸਕਣਗੇ।
ਡਿਜੀਟਲ ਕਰੰਸੀ ਦਾ ਮੁੱਲ ਵੀ ਮੌਜੂਦਾ ਮੁਦਰਾ ਦੇ ਬਰਾਬਰ ਹੋਵੇਗਾ। ਇਸ ਨੂੰ ਵੀ ਭੌਤਿਕ ਮੁਦਰਾ ਵਾਂਗ ਸਵੀਕਾਰ ਕੀਤਾ ਜਾਵੇਗਾ। ਇਸ ਨਾਲ ਨਾਲ ਜੇਬ ਵਿੱਚ ਨਕਦੀ ਰੱਖਣ ਦੀ ਕੋਈ ਲੋੜ ਨਹੀਂ ਹੋਵੇਗੀ। ਇਹ ਮੋਬਾਈਲ ਵਾਲਿਟ ਦੀ ਤਰ੍ਹਾਂ ਵੀ ਕੰਮ ਕਰੇਗਾ। ਬੈਂਕ ਖਾਤੇ ਨੂੰ ਰੱਖਣ ਦੀ ਲੋੜ ਨਹੀਂ ਹੋਵੇਗੀ। ਇਸ ਨਾਲ ਤੁਸੀਂ ਕੈਸ਼ਲੈੱਸ ਪੇਮੈਂਟ ਕਰ ਸਕੋਗੇ।