ਗਣਤੰਤਰ ਦਿਵਸ ਦੇ ਵਿਸ਼ੇਸ਼ ਮੌਕੇ ‘ਤੇ, ਪੁਣੇ ਸਥਿਤ ਸੁਪਰ ਗੇਮਿੰਗ ਨੇ ਆਪਣੀ ਬੈਟਲ ਗਰਾਉਂਡ ਖੇਡ ਇੰਡਸ (Indus) ਦਾ ਟ੍ਰੇਲਰ ਰਿਲੀਜ਼ ਕੀਤਾ ਹੈ। ਇੰਡਸ ਗੇਮਜ਼ ਲਈ ਰਜਿਸਟ੍ਰੇਸ਼ਨ iOS ਅਤੇ Android ਦੋਵਾਂ ‘ਤੇ ਸ਼ੁਰੂ ਹੋ ਗਈ ਹੈ। ਕੰਪਨੀ ਦੇ ਦਾਅਵੇ ਮੁਤਾਬਕ ਇੰਡਸ ਗੇਮ ‘ਚ ਭਾਰਤੀਤਾ ਦੀ ਝਲਕ ਦੇਖਣ ਨੂੰ ਮਿਲੇਗੀ। ਇੰਡਸ ਲਈ ਗੂਗਲ ਪਲੇ-ਸਟੋਰ ‘ਤੇ ਰਜਿਸਟਰੇਸ਼ਨ ਸ਼ੁਰੂ ਹੋ ਚੁਕੀ ਹੈ ਅਤੇ ਇਹ ਗੇਮ ਮੁਫਤ ਹੈ। ਮੇਡ ਇਨ ਇੰਡੀਆ ਗੇਮ ਇੰਡਸ ਲਗਭਗ 500MB ਦੀ ਹੈ।
ਟ੍ਰੇਲਰ ‘ਚ ਗੇਮ ਦੇ ਗਨਪਲੇਅ, ਲੂਟ ਸਿਸਟਮ ਅਤੇ ਕੁਝ ਲੋਕੇਸ਼ਨਾਂ ਨੂੰ ਦੇਖਿਆ ਜਾ ਸਕਦਾ ਹੈ। ਕੰਪਨੀ ਦੇ ਦਾਅਵੇ ਮੁਤਾਬਕ ਇੰਡਸ ਮੇਡ ਇਨ ਇੰਡੀਆ ਰਾਇਲ ਬੈਟਲਗ੍ਰਾਊਂਡ ਗੇਮ ਹੈ। ਟ੍ਰੇਲਰ ਵਿੱਚ ਇੱਕ ਟਾਪੂ ਅਤੇ ਇੱਕ ਗਲੈਕਸੀ ਦੇਖੀ ਜਾ ਸਕਦੀ ਹੈ। ਇੰਡਸ ਗੇਮ ਮਿਥਵਾਕਰ (Mythwalker)ਵਰਗੀ ਲੱਗਦੀ ਹੈ। ਟ੍ਰੇਲਰ ਦੇ ਅਨੁਸਾਰ, ਗੇਮ ਨੂੰ ਪਹਿਲਾਂ ਸੋਲੋ ਪਲੇ ਲਈ ਲਾਂਚ ਕੀਤਾ ਜਾਵੇਗਾ, ਹਾਲਾਂਕਿ ਬਾਅਦ ਵਿੱਚ ਟੀਮ ਸਪੋਰਟ ਦੀ ਸੰਭਾਵਨਾ ਹੈ।