ਏਸ਼ੀਆ ਕੱਪ ਦੇ ਸੁਪਰ-4 ਸਟੇਜ ‘ਚ ਐਤਵਾਰ ਨੂੰ ਭਾਰਤ-ਪਾਕਿਸਤਾਨ ਦਾ ਮੈਚ ਮੀਂਹ ਅਤੇ ਗਿੱਲੇ ਆਊਟਫੀਲਡ ਕਾਰਨ ਪੂਰਾ ਨਹੀਂ ਹੋ ਸਕਿਆ। ਹੁਣ ਇਹ ਮੈਚ ਅੱਜ (ਰਿਜ਼ਰਵ ਡੇ) ਕੋਲੰਬੋ ਦੇ ਆਰ ਪ੍ਰੇਮਦਾਸਾ ਸਟੇਡੀਅਮ ਵਿੱਚ ਦੁਪਹਿਰ 3 ਵਜੇ ਤੋਂ ਖੇਡਿਆ ਜਾਵੇਗਾ। ਮੈਚ ਮੁੜ ਓਥੋਂ ਹੀ ਸ਼ੁਰੂ ਹੋਵੇਗਾ ਜਿੱਥੋਂ ਰੋਕਿਆ ਗਿਆ ਸੀ। ਖੇਡ ਦੇ ਰੁਕਣ ਤੱਕ ਟੀਮ ਇੰਡੀਆ 24.1 ਓਵਰਾਂ ਵਿੱਚ ਦੋ ਵਿਕਟਾਂ ਗੁਆ ਕੇ 147 ਦੌੜਾਂ ਬਣਾ ਚੁੱਕੀ ਸੀ ਅਤੇ ਇਸ ਸਕੋਰ ਨਾਲ ਅੱਗੇ ਖੇਡੇਗੀ।
ਰਿਜ਼ਰਵ ਡੇਅ ਦੀ ਖੇਡ ਸਥਿਤੀ ਦੇ ਮੁਤਾਬਕ ਅੱਜ ਇਹ ਮੈਚ ਪੂਰੇ 50-50 ਓਵਰਾਂ ਦਾ ਖੇਡਿਆ ਜਾਵੇਗਾ। ਹਾਲਾਂਕਿ, ਕੀ ਇਹ ਮੈਚ ਅੱਜ ਪੂਰਾ ਵੀ ਹੋ ਸਕੇਗਾ? ਕੀ ਮੀਂਹ ਅੱਜ ਵੀ ਮੈਚ ‘ਚ ਰੁਕਾਵਟ ਪਵੇਗਾ? ਇਹ ਸਾਰੇ ਸਵਾਲ ਪ੍ਰਸ਼ੰਸਕਾਂ ਦੇ ਦਿਮਾਗ ‘ਚ ਹਨ। ਤਾਂ ਆਓ ਜਾਣਦੇ ਹਾਂ ਕਿ ਰਿਜ਼ਰਵ ਡੇਅ ‘ਤੇ ਅੱਜ ਕੋਲੰਬੋ ‘ਚ ਮੌਸਮ ਕਿਹੋ ਜਿਹਾ ਰਹੇਗਾ।
ਰਿਜ਼ਰਵ ਡੇ ‘ਤੇ ਵੀ ਕੋਲੰਬੋ ਦੇ ਮੌਸਮ ਦੀ ਭਵਿੱਖਬਾਣੀ ਬਹੁਤੀ ਚੰਗੀ ਨਹੀਂ ਹੈ। ਉੱਥੇ ਸਵੇਰ ਤੋਂ ਹੀ ਮੀਂਹ ਪੈ ਰਿਹਾ ਸੀ। ਹਾਲਾਂਕਿ, ਧੁੱਪ ਦੀ ਸੰਭਾਵਨਾ ਵੀ ਹੈ ਪਰ ਮੌਸਮ ਦੀ ਰਿਪੋਰਟ ਮੁਤਾਬਕ ਇਕ ਵਾਰ ਫਿਰ ਭਾਰਤ-ਪਾਕਿਸਤਾਨ ਮੈਚ ਮੀਂਹ ਕਾਰਨ ਧੋਤਾ ਜਾ ਸਕਦਾ ਹੈ। ਭਾਵ ਰਿਜ਼ਰਵ ਡੇਅ ‘ਤੇ ਵੀ ਮੀਂਹ ਪੈਣ ਦੀ ਪੂਰੀ ਸੰਭਾਵਨਾ ਹੈ।
Accuweather ਦੀ ਰਿਪੋਰਟ ਮੁਤਾਬਕ ਕੋਲੰਬੋ ‘ਚ ਸ਼ਾਮ 5 ਵਜੇ ਦੇ ਆਸਪਾਸ ਬਾਰਿਸ਼ ਹੋਣ ਦੀ 80 ਫੀਸਦੀ ਸੰਭਾਵਨਾ ਹੈ। ਮੈਚ ਆਪਣੇ ਨਿਯਮਤ ਸਮੇਂ ਬਾਅਦ ਦੁਪਹਿਰ 3 ਵਜੇ ਸ਼ੁਰੂ ਹੋਵੇਗਾ। ਇਸ ਦੇ ਨਾਲ ਹੀ, Weather.com ਦੇ ਅਨੁਸਾਰ, ਕੋਲੰਬੋ ਵਿੱਚ ਅੱਜ ਦੁਪਹਿਰ 3 ਵਜੇ ਤੋਂ ਬਾਅਦ ਮੀਂਹ ਦੀ ਸੰਭਾਵਨਾ ਕਦੇ ਵੀ 70 ਪ੍ਰਤੀਸ਼ਤ ਤੋਂ ਘੱਟ ਨਹੀਂ ਹੋਈ ਹੈ। ਇਸ ਦਾ ਮਤਲਬ ਹੈ ਕਿ ਕੱਲ੍ਹ ਨਾਲੋਂ ਜ਼ਿਆਦਾ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਮੀਂਹ ਦੀ ਸਭ ਤੋਂ ਵੱਧ ਸੰਭਾਵਨਾ ਸ਼ਾਮ 5.30 ਵਜੇ ਹੈ।